Qaraǵandylyq konkıshi Stanıslav Palkın jasóspirimder arasyndaǵy Álem kýbogynda júldeli orynnan kórindi
QARAǴANDY. QazAqparat - Qaraǵandy qalasynyń konkıshisi Stanıslav Palkın Varshavada jasóspirimder arasynda ótken Álem kýbogynyń aqtyq kezeńinde kúmis medalǵa qol jetkizdi, dep habarlady oblystyq deneshynyqtyrý jáne sport basqarmasynyń baspasóz qyzmetinen.
«14-15 aqpan kúnderi Varshava qalasynda jasóspirimder arasynda konkı tebý sportynan Álem kýbogynyń aqtyq kezeńi ótti. Álem kýbogynyń eki kezeńindegi baly boıynsha S.Palkın 500 jáne 100 metr qashyqtyqta 2-shi oryn aldy», - delingen habarlamada.
Sportshynyń jattyqtyrýshysy - Vladımır Laznenko.
S.Palkın ózin 2014-2015 jyldar maýsymynda tanytyp úlgerdi. Sol kezde ol Qazaqstan chempıonatynda júldeli oryndardan kóringen. Jeltoqsan aıynda Kolablıýde (Italııa) ótken konkı tebý sporty boıynsha Álem kýbogynyń jasóspirimder kezeńinde 1000 m qashyqtyqta jeńiske jetken.
«20-22 aqpan kúnderi Polshada jasóspirimder arasynda álem chempıonaty ótedi. Qaraǵandylyq sportshylar Stanıslav Palkın, Artem Krıkýnov, Alena Stapstova el quramasynyń quramynda álemdik birinshilikke shyǵýǵa daıyndalý ústinde», - dep habarlaıdy basqarmanyń baspasóz qyzmetinen.
