Qaraǵandylyq kompanııa qutqarýshylardy otandyq katerlermen qamtamasyz etpek
QARAǴANDY. QazAqparat - Qaraǵandy oblysynda shaǵyn katerler shyǵarylady. Olardy qutqarýshylar, qoryq qyzmetkerleri men sý qoımalarynyń saqshylary jáne qajet bolsa turǵyndar da paıdalanady, dep habarlaıdy Qaraǵandy oblysy ákimdiginiń resmı saıty.
Saıtta jarııalanǵan málimetterge qaraǵanda, jergilikti ónim Qazaqstannyń barlyq óńirlerine jetkiziledi jáne Reseıge eksporttalady.
«Qaraǵandy shaǵyn keme qurylysy verfi» JShS 2013 jyldan jumys istep jatyr. Onyń tsehtary Fedorov sý qoımasynda ornalasqan. Qazir kásiporynda 15 adam jumys isteıdi.
«Bizdiń katerlerdiń uzyndyǵy 3 metrden 14 metrge deıin jetedi. Olardy jeke tulǵalar da, memlekettik mekemeler de satyp alady. Biz Qazaqstanda shaǵyn ólshemdi katerler shyǵaratyn jalǵyz kompanııamyz. Árıne,memlekettik mekemelerge bizden satyp alǵan tıimdi bolar edi, sebebi shetel óndirýshilerine qaraǵanda bizde baǵa shamamen 15%-ǵa tómen. Bizdiń ónimderimizdi Chelıabınsk jáne Ekaterınbýrg sııaqty Reseıdiń qalalarynan da satyp alady, - deıdi, kásiporynnyń kommertsııalyq dırektory Aleksandr Dvorıanchıkov.
Kater óndirisi úshin arnaıy qorytpa, al ishki óńdeýi úshin -ylǵalǵa tózimdi shere men marıdektiń palýbaly jabyny qoldanylady. Qozǵaltqyshtar men basqa detaldar Qytaıdan, Eýropadan jáne Japonııadan ımporttalady.
«Biz ózimiz óndiretin katerlerdiń uzyndyǵyn 7 metrden 14 metrge deıin ulǵaıtýdy kózdep otyrmyz. Asa qolaıly, jaqsy jabdyqtalǵan kater jasaýǵa bolady. Olardy kúzet qyzmetine laıyqtap jasaý úshin radarlar men túrli elektronıkamen jabdyqtaýǵa bolady, - deıdi Aleksandr.
Aıta keteıik, qaraǵandylyq kompanııa jylyna 60 kemeden 100 kemege deıin shyǵarady.
