Qaraǵandylyq kıbervolonterler polıtseılerge ınternettegi qylmystarmen kúresýge kómektesedi
Polıtsııa eriktilermen birge kıberqylmysqa qarsy turady.
Qaraǵandy oblysynyń ákimdiginde polıtsııanyń servıstik modeline kóshý jónindegi pılottyq jobanyń bir jylǵy jumysynyń qorytyndysy shyǵaryldy. Qaraǵandylyq vedomstvoaralyq topty halyqaralyq uıymdardyń sarapshylary - EQYU jáne BUUDB qaýipsizdik máselelerin sheshýdegi taldaý tásilderin úıretti.
Bizdiń óńirdegi joba menedjeri Meıram Valeev atqarylǵan jumystar týraly aıtyp berdi.
«Biz qaladaǵy qylmystyq belsendilikke baılanysty negizgi problemalyq máselelerdi taldadyq jáne anyqtadyq. Sondaı-aq, qylmystyq isterdiń statıstıkasy men fabýlalaryn zerdeleýdi, sottalǵandarǵa pikirterim júrgizýdi, qylmys jasalǵan oryndardy baǵalaýdy jáne páter urlyǵy men kámeletke tolmaǵandardyń jynystyq tıispeýshiligine qatysty qylmystardy taldaý mysalynda turǵyndarǵa pikirterim júrgizýdi eskere otyryp, quqyq buzýshylyqtardyń aldyn alý boıynsha usynymdar ázirlendi», - dep atap ótti Meıram Valeev.
Sonymen, sarapshylar jyl boıy qylmystyń sebepterin taldap, olardyń aldyn-alý boıynsha usynystar jasady. Mysaly, polıtsııany shaqyrý batyrmasyn tanymal mobıldi qosymshalarmen - DamuMed jáne eGov Mobile biriktirýdi usyndy. Polıtsııanyń avto jáne jaıaý patrýlderi qalanyń kireberisteri men aýlalaryna monıtorıng júrgizýdi usyndy. Sondaı-aq qaýipsizdik chek-paraqtaryn ázirledi. Aldaǵy ýaqytta olardy ýchaskelik polıtsııa ınspektorlary qoldanatyn bolady jáne olardy óz aýlasynyń qaýipsizdik jaǵdaıyn baǵalaýǵa jáne ózi turatyn jerindegi problemalardy jedel sheshýge kómektesýge nıet bildirgen qaraǵandylyqtar paıdalana alady.
EQYU-nyń Qazaqstandaǵy elshisi Derd Sabo bizdiń óńirdegi servıstik polıtsııanyń jumysyna óz baǵasyn berdi:
«Qaraǵandydaǵy pılottyq joba – bul kóptegen shet elderde qaýipsizdik máselelerin qalaı sheshetininiń mysaly. Sizder sııaqty vedomstvoaralyq toptar Ulybrıtanııa men Kanadada óz jetistikterin dáleldedi. Bul jerde yntymaqty jaýapkershilik qaǵıdaty mańyzdy. Vedomstvoaralyq top júrgizgen taldaý memlekettik organdardyń da, halyqtyń da birlesken kúsh-jigerin jumsaı otyryp, birlesip áreket ete bilýdiń qanshalyqty mańyzdy ekenin kórsetedi. Vedomstvoaralyq top úlken jumys atqardy».
Polıtsııa departamentiniń basshysy Erlan Faızýllın joba qyzmetiniń geografııasyn keńeıtýdiń oryndylyǵyn atap ótti.
Sondaı-aq, jınalysta kıbervolonterlermen birlesip ýchaskelik qyzmettiń onlaın-rejıminde (chat-bottar, tikeleı efırler, targettelgen jarnama jáne t.b.) jumysqa daıyndyq júrgizilip jatqany týraly aıtyldy.
Qaraǵandyda servıstik polıtsııany engizý boıynsha pılotty qorytyndylaı kele, oblys basshysy Jeńis Qasymbek qala ákimine jáne jobaǵa tartylǵan basqarmalarǵa tapsyrma berdi. Atap aıtqanda, jastar saıasaty basqarmasyna eriktiler tobyn damytýǵa kómek kórsetý usynyldy.
«Jobanyń geografııasyn keńeıtýge baılanysty Qaraǵandy ákimi polıtsııa departamentimen birlesip, oblys ortalyǵynyń barlyq polıtsııa bólimderinde vedomstvoaralyq toptyń jumysyn qamtamasyz etýi tıis. Jobany barlyq qalalyq qyzmetterdiń jumysymen biriktirý qajet. Karantınge qaramastan, pılottyq joba sátti júzege asyrylýda dep sanaımyn», - dep túıindedi Jeńis Qasymbek.
Esterińizge sala keteıik, servıstik polıtsııany engizý jónindegi joba Qaraǵandyda 2019 jylǵy 27 qarashada resmı iske qosylǵan bolatyn. Bizdiń óńir Qazaqstanda osy modeldi engizýge sheshim qabyldaǵan alǵashqy óńir boldy. Pılottyq joba tek quqyq qorǵaý organdarynan ǵana emes, densaýlyq saqtaý, bilim berý jáne áleýmettik qorǵaý basqarmalarynyń ókilderinen turady. Olardyń fýnktsııalaryna áleýmettik máselelerdi zertteý jáne SARA ádisi boıynsha qala turǵyndaryna skanerleý, taldaý, jaýap berý jáne baǵalaý sekildi keshendi kómek kórsetý kiredi.
