Qaraǵandylyq kelinshek óziniń 10 jyl buryn «marqum bolǵanyn» HQO-ǵa kelgende bildi

QARAǴANDY. QazAqparat – 38 jastaǵy qaraǵandylyq óz esiminiń derekter bazasynda qaıtys bolǵandar tiziminde turǵanyn anyqtaǵan. Bul faktini ol jeke basyn kýálandyratyn qujatty jańartý úshin HQO-ǵa júgingen kezde bilgen, dep habarlaıdy QazAqparat tilshisi.

Osy jyldyń 23 mamyrynda 38 jastaǵy Nadejda Lıpına jeke kýáliginiń merzimi aıaqtalýyna baılanysty ony aýystyrmaq bolyp halyqqa qyzmet kórsetý ortalyǵyna júgingen.

HQO qyzmetkerleri oǵan 2012 jyldan bastap derekter bazasynda «qaıtys bolǵan» dep tirkelgenin habarlaǵanda qatty tań qalǵanyn aıtady.

«Osy jyldar ishinde resmı jumys isteımin, barlyq aýdarymym bar. Nesıe aldym, 2018 jyly bala týdym, bir jasqa deıingi bala kútimi boıynsha járdemaqy aldym. Maǵan AHAT tirkeý kitabynda «ólgenim» jazýly turǵanyn aıtty. Bul qalaı bolýy múmkin? Túsinspem buıyrmasyn», - deıdi Nadejda Lıpına.

Eki aptadan keıin halyqqa qyzmet kórsetý ortalyǵynda áıelge qate túzetildi jáne ol qujatty aýystyrýǵa kele alady dep habarlaǵan.

Bul jaǵdaıǵa qatysty Qaraǵandy oblysy PD baspasóz qyzmeti túsinikteme berdi.

Olar qate onyń kinásinen bolmaǵandyqtan áıeldiń merzimi ótken qujat úshin aıyppul tólemeıtinine sendirdi.

«Azamatsha Lıpına júgingen kezde málimetter bazasynda buryn berilgen kýálik 2012 jyly «azamattyń qaıtys bolýyna baılanysty» sebebin kórsete otyryp, qate joıylǵany anyqtaldy. 9 maýsymda derekter bazasyna túzetý engizildi. Azamatsha Lıpına jalpy tártipte qujat rásimdeı alady», - dep túsindirdi Qaraǵandy oblysy PD baspasóz qyzmetinde.