Qaraǵandylyq kásipkerler sanıtar dárigerler men eriktilerdi kólikpen qamtamasyz etti
Qaraǵandyda «BIPEK AVTO-AZIıA» kompanııalar toby karantın kezeńinde sanıtarlyq dárigerler men eriktilerge jeti kólik berdi. Kásipkerler avtokólikterdi kútip ustaý jáne júrgizýshilerge jalaqy boıynsha barlyq shyǵyndardy óz moınyna alady.
- COVID -19-ben kúresetin qyzmetkerlerdiń jumys rejımi men júktemesin baǵalaı otyryp, bizdiń kompanııa taýarlar men qyzmetterdiń sapasy men qaýipsizdigin baqylaý departamentine jáne eriktilerdiń oblystyq shtabyna avtomobılder berý týraly sheshim qabyldady. Olar azyq-túlik pen jeke qorǵaný quraldaryn muqtajdarǵa jetkize alady. Kompanııa júrgizýshiler jalaqysy men mashınany kútip ustaýǵa qajetti barlyq shyǵyndardy ózi kóteredi. Júrgizýshiler aýysym saıyn, táýlik boıy jumys isteıtin bolady, - deıdi «BIPEK AVTO-AZIıA AVTO» MK Qaraǵandy fılıalynyń dırektory Hamıt Bosqymbaev.
Osy qıyn kezeńde «GrosFarm» JShS ókilderi de qoldaý kórsetti. Saran qalasynyń kompanııasy avtokólikterdi tegin dezınfektsııalaý úshin qarajat bóldi. Salondy óńdeý úshin olar bakterııaǵa qarsy spreı berdi. Mashınany syrtynan jýý úshin erıtin tabletkalarmen qamtamasyz etti.
- Mundaı kómek shaqyrtýlarǵa tez shyǵý jáne koronavırýstyq ınfektsııanyń taralý oshaqtaryn oqshaýlaý úshin qajet. Árbir saǵat, árbir mınýt mańyzdy: bizde qashyqtyq óte úlken. Osyndaı qoldaýdyń arqasynda biz osy pandemııany birlese otyryp jeńemiz. Bizdiń turǵyndar da deni saý jáne ınfektsııadan qorǵalǵan bolady, - dep atap ótti Qaraǵandy oblysy taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarov.
Buǵan deıin departamenttiń qaramaǵyna «9 regıon» kompanııasy alty avtokólik bergen bolatyn. Fırma sondaı-aq óz júrgizýshilerin usyndy jáne tótenshe jaǵdaı kezeńinde mashınalardy janarmaımen jáne maılaý materıaldarymen qamtamasyz etedi.
