Qaraǵandylyq kásipker jerdiń qurtynan tabys taýyp otyr

QARAǴANDY. QazAqparat – Kalıfornııa qurty qaraǵandylyq kásipker Nurbek Oralov úshin tabystyń kózi bolyp otyr. Ol sáýir aıynda aýlasynan arnaıy oryn daıyndap, qurtty óndiriske jibergen. Odan alǵan bıogýmýs egistik jerdiń qunaryn arttyrady.

Kalıfornııalyq jerdiń qurttary shirigen organıkalyq zattardy «jeý» arqyly jerdiń qura­myn gýmýspen baıytyp, qunarly qa­ra topyraqqa aınal­dyrady.

Oǵan kúndelikti tórt túliktiń tezegin salyp qorytady. 4 aıda ónim paıda bolady.

«ıÝtýb arqyly qarap taýyp aldym da, sodan byltyr shilde aıynda bastadym. Sodan eki qorabyn alyp, tájirıbe jınadym. Keıin Kazverm degen koperatıv ashyldy Almatyda. Soǵan qabyldanyp, oqýyn oqyp sertıfıkat aldyq», - deıdi kásipker Nurbek Oralov.

Kalıfornııa shylaýshyny kón astynda 16 jyl ómir súredi. Tyńaıtqysh óndirý protsesin toqtatpaıdy.

Bıogýmýska aınalǵan soń topyraq arnaıy úkkishten ótedi. Byltyr kásipker 30 qap tyńaıtqysh shyǵarǵan.

Satyp eńbeginiń jemisin kóripti. Endi bıyl kásibiniń aýqymyn keńeıtpek.

«990 mln Qazaqstannyń gektar jeri tozyp ketken. 30 mln gektar jer múldem jaramsyz bolyp qalǵan. Qazir mynaý selıtra degen mıneraldy tyńaıtqysh adam ómirine zııan. Ol – hımııalyq tyńaıtqysh. Al mynaý tabıǵı taza tyńaıtqysh», - deıdi kásipker.

Nurbek Oralovtyń baqshasynda kókónis, jemis-jıdekter barshylyq.

Qunarlandyrý ádisimen alynǵan topyraqqa qııar, qyzanaq, qyryqqabat, sábiz, qyzylsha ekken. Bıyl mol ónim kútip otyr.

«Myna bizde qalaı? Aýyldarda mysaly maldan shyqqan kóńdi shyǵaryp tastap jatady. Buryn baqshaǵa jaıyp paıdalanýǵa bolatyn. Qazir halyq túsinbeı barady muny. Bul negizi keleshegi zor bıznes. Básekeles degen bolmaıdy, satatyn jerler degen jetedi. Ár qazaq aınalyssa tabysqa jeter edi», - deıdi Nurbek Oralov.

Kásipker osy bıznesten memleketten qoldaýǵa ıe boldy.

2 paıyz jeńildikpen nesıe aldy. Onyń ústine bıogýmýska sýbsıdııa da berile bastaǵan.

Bul – babyn bilgenge jer qurty da baılyq bereke ekeniniń kórinisi.