Qaraǵandylyq kásipker shemishke qabyǵynda sańyraýqulaqtar ósirýde
QARAǴANDY. QazAqparat -Qaraǵandy oblysy Abaı aýdanynyń Topar kentinde kásipker Álııa Jumataeva aspa sańyraýqulaqtaryn ósirýdi damytýda. Ekologııalyq taza otandyq ónim tutynýshylar arasynda suranysqa ıe. Taýar Qaraǵandyǵa jáne oblystyq basqa da qalalarynda taratylady. Bul týraly ákimdiktiń saıty habarlaıdy.
Kásipker áıel «Bıznestiń jol kartasy-2020» baǵdarlamasy boıynsha memlekettik qoldaý quraldarynyń birin paıdalanǵan.
Osydan eki jyl buryn Álııa Jumataeva bıznes-josparyn qorǵap, óz isin dóńgeletip alyp ketýge 1,8 mln teńge kóleinde grant utyp alǵan. Ol «Topar jylyjaılarynda» bir 2000 sharshy metr aýmaqta jerdi jalǵa alyp, onda sańyraýqulaq fermasyn ashqan.
«Mamandyǵym boıynsha men esepshimin. On jyl buryn Qaraǵandy oblysyna Petropavldan kóship keldim. Árdaıym jan-tánimmen sańyraýqulaqtardy jaqsy kórdim. Sórelerde tek ımporttyq qozyquıryq sańyraýqulaqtar ǵana bolatyn. Óz isimdi ashýǵa bel býǵanda, osy salany tańdadym. Birinshiden, ol ımportty almastyrý jáne tutynýshylardy sapaly, ekologııalyq taza ónimmen qamtamasyz etý. Biz eshqandaı hımıkattardy qoldanbaımyz. Joba sátti júrip ketti. Endi óz qarajatymyz esebinen konservileý beketin ashýdy josparlap otyrmyz: sańyraýqulaqty tuzdap, olardan ıkra jasaǵymyz keledi, - deıdi kásipker áıel.
Onyń aıtýynsha, aldymen aspa sańyraýqulaqtardy sabanda ósirýden bastaǵan, alaıda onyń jumysy da, shyǵyny da kóp bolǵan. Sonan soń basqa materıaldy kórgen - kúnbaǵys shemishkesiniń qabyǵyn. Ol jaqsy ónimdilik bere bastaǵan.
Shemishke qabyqtaryn Almatydan, óńdeý zaýyttarynyń birinen alyp keledi.
Sańyraýqulaq fermasynyń qýattylyǵy aıyna 8000-9000 tonna ónim ósirýge múmkindik beredi.
