Qaraǵandylyq qarııa syrtqy kıimsiz júrse de qyryq gradýs aıazda tońbaıdy
ASTANA. QazAqparat - Qaraǵandylyq shymyr qarııa qyryq gradýs aıazda jeńil-jelpi júre beredi, dep habarlaıdy QazAqparat «Saryarqa» telearnasyna silteme jasap.
«Qańtardyń qyryq qubylǵan qysynda juqa shalbar men fýtbolka jáne qolǵap qana kıetin Baıyldy Tere saqyldaǵan sary aıazdy elemeıdi. Alpys bes jastaǵy aqsaqal bet qarıtyn sýyqta da bir tońbaıdy. Tipti ol qolaısyz aýa-raıynda ózin sergek sezinetinin aıtady», delingen jazbada.
Qazir qarııa Qaraǵandy qalasyndaǵy áskerı bólimderdiń birine aýla tazalaýshy bolyp jumys sitep júr.
Telearna tilshisiniń aıtýynsha, Baıyldy Tere syrtqy kıimin tek jıyrma bes jyl buryn kóshege kıgen kórinedi. Sodan beri ol aǵzasyn aıazǵa eptep úırete bastaǵan. Shırek ǵasyr ýaqytty shymyr qarııanyń densaýlyǵy esh syr bergen emes.
Zeınetker sýyqta júrip, únemi qımyldaǵannyń arqasynda burynǵy dertterimnen qulan taza aıyqtym, dárigerdiń kómegine júginýdi de umyttym, dep otyr.
Baıyldy Tere denesin sýyqqa shynyqtyrǵysy keletin adamdarǵa aǵzasyn birte-birte daıyndaý kerek, dep keńes beredi.
