Qaraǵandylyq karateshiler álem chempıonatynyń bes júldesin jeńip aldy
QARAǴANDY. QazAqparat – Ashıhara-karateden (AIKO AIF) ótken halyqaralyq birinshilikte Qaraǵandy oblysynyń Ashihara Karate federatsııasynyń bes ókili úzdikter qatarynan tabyldy.
Sportshylardyń qorjynynda tórt altyn jáne bir kúmis bar, dep habarlaıdy QazAqparat tilshisi.
Álem chempıonaty Túrkııanyń Antalıa qalasynda balalar, jasóspirimder, jastar jáne eresekter arasynda ótti. Oǵan 18 elden myńnan astam karateshi qatysty.
Tuǵyrdyń eń joǵarǵy satysyna kóterilgen qaraǵandylyqtar:
- Evangelına Molodýshkına, Shákárim atyndaǵy gımnazııanyń 3-synyp oqýshysy;
- Dına Isabekova, Shákárim atyndaǵy gımnazııanyń 8-synyp oqýshysy;
- Anar Isabekova, Qaztutynýodaǵy Qaraǵandy ýnıversıtetiniń oqytýshysy;
- Aıdyn Sambaev, Qaraǵandy tehnıkalyq ýnıversıtetiniń stýdenti.
KTÝ-dyń taǵy bir oqýshysy Arman Raıymbekov kúmis júldeni jeńip aldy.
«Nátıjesinde Qazaqstan quramasy 19 altyn, 14 kúmis jáne 9 qola júldemen jalpykomandalyq esepte ekinshi orynǵa ıe boldy. Birinshi oryndy Túrkııa, úshinshi oryndy Lıtva, tórtinshi oryndy Ázirbaıjan elderi ıelendi», - dep habarlady Qaraǵandy oblysynyń dene shynyqtyrý jáne sport basqarmasynyń baspasóz qyzmeti.
