Qaraǵandylyq ınspektorlar bes bóltirikti qutqardy
«2019 jyldyń 24 sáýirinde «Qaraǵandy oblystyq aýmaqtyq orman sharýashylyǵy jáne janýarlar álemi ınspektsııasy» RMM memlekettik ınspektorlary áleýmettik jeliden bóltirikterdi apannan shyǵarǵan buzaqylardy baıqaǵan. Inspektsııa mamandary tabıǵatty qorǵaý mamandarymen birlesip, oqıǵa ornyna bardy», - dep jazdy QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Feısbýkte.
Oqıǵa ornynda Qaraǵandy oblysy Aqtoǵaı aýdany Qyzylaraı aýylynyń E. esimdi turǵyny ustaldy.
«Aýyl turǵyny 24 sáýir kúni saǵat 15.00-de Qyzylaraı memlekettik tabıǵı qoryǵy aýmaǵyndaǵy Aqsorań taýlarynan 5 bóltirikti (3 urǵashy, 2 erkek) úıine ákelgen. Osylaısha, jabaıy ańdar týraly QR zańnamasyn buzǵan. Oǵan qatysty QR ÁQBK 389-baby, 1-tarmaǵy boıynsha ákimshilik quqyqbuzýshylyq jóninde hattama toltyryldy. Qutqarylǵan bóltirikter óz apanyna jetkiziledi», - dedi S. Dildahmet.
