Qaraǵandylyq hırýrgter jas jigittiń saýsaǵyn replantatsııalady
QARAǴANDY. QazAqparat – Qaraǵandylyq hırýrgtar aýyr jaraqattan keıin jas jigitke qolyn qaıta salyp berdi, dep habarlaıdy QazAqparat.
Mundaı operatsııalar bizdiń oblysta 80-jyldardyń aıaǵynan bastap jasalýda. Alaıda Denıs Stefanenkodaǵy sııaqty jaraqatpen professor H.Maqajanov atyndaǵy kópsalaly aýrýhananyń dárigerleri birinshi ret kezdesti.
27 sáýir túski ýaqytta Abaı qalasynyń turǵyny Denıs Stefanenko otyn daıyndamaq bolǵan. Jas jigit áli kúnge deıin onyń oń qoly tsırkýlıarlyq aranyń astynda qalaı qalyp qoıǵanyn túsinbeıtinin aıtady.
- Týystarym jedel járdemdi kútpesten, ózderi meni Ortalyq qalalyq aýrýhanaǵa alyp bardy. Shynymdy aıtsam, onda ne bolǵany esimde joq. Qolymnan aıyryldym dep oıladym. Biraq men kásipqoı mamandardyń qolyna tústim, olarǵa óte rızamyn, - deıdi Denıs.
Abaı aýrýhanasynda dárigerler jas jigittiń qan ketýin toqtatyp, spıtsalar ornatty, tasymaldaý tigisterin salǵan. Sodan keıin ony professor H. J. Maqajanov atyndaǵy kópsalaly aýrýhanaǵa alyp barǵan.
Jalpy, alǵashqy kómek kórsetý jáne tasymaldaý bir jarym saǵatqa sozyldy.
«Osyndaı kásibı kómektiń arqasynda biz patsıenttiń saýsaǵyn saqtaı aldyq. Operatsııa aýyr zaqymdarǵa qaramastan sátti ótti – saýsaq ishinara kesilgen, ol jumsaq dene – bulshyqettiń kómegimen shaǵyn kópir arqyly ǵana qolmen biriktirilgen. Biz súıekti qalpyna keltirdik, sińirdiń, tamyrlar men júıke talshyqtaryn baılanystyryp tiktik. Bul ota tórt saǵatqa sozyldy. Mundaı kúrdeli operatsııa úshin bul uzaq ýaqyt emes», - deıdi prof. H. J. Maqajanov atyndaǵy kópsalaly aýrýhananyń mıkrohırýrgi Tımýr Igimbaev.
Hırýrgııalyq otanyń qanshalyqty jaqsy ótkeni qazir Denıs ótip jatqan ońaltýdan soń belgili bolady. Kúndelikti túrde ol fızıoterapııa alady, oǵan berilgen preparattardy qabyldaıdy.
«Tolyq qalpyna keltirilgennen keıin múgedektikti resimdeýdiń qajeti bolmaıdy. Men geologııalyq barlaýdaǵy burynǵy jumysyma qaıta oralamyn dep úmittenemin. Al ázirshe men sol qolmen jazýdy úırendim», - deıdi jas jigit.
Otadan keıin úshinshi kúni Denıs Stefanenko saýsaǵyn jybyrlata aldy. Qazir qolynyń ushyndaǵy sezimtaldyq tolyǵymen qalpyna keldi. Dárigerler jaqsy boljamdar aıtyp otyr.
