Qaraǵandylyq hırýrgter sırek patologııasy bar naýqastarǵa ota jasady
Qaraǵandy turǵynynda bir jarym jyl ishinde qandaǵy qant deńgeıiniń tómendeýi baıqaldy, onyń sebebin anyqtaý múmkin bolmady. Naýqas áıeldiń sımptomdary arasynda sondaı-aq esinen tanyp qalý sátteri de kezdesti. Oblystyq konsılıým barysynda dárigerler patsıenttiń sırek kezdesetin patologııasy - ınsýlınoma( uıqy beziniń isigi) bar ekenin anyqtady.
«Uzaq ýaqyt boıy isiktiń naqty ornalasýyn anyqtadyq. Ol uıqy beziniń basynda boldy. Bul hırýrgııadaǵy eń kúrdeli anatomııalyq isik», - deıdi Qaraǵandy qalasynyń Oblystyq klınıkalyq aýrýhanasy dırektorynyń hırýrgııa jónindegi orynbasary Borıs Tshaı
Qaraǵandy qalasynyń OKA hırýrgtary keń aýqymdy ashyq operatsııa júrgizdi, onyń barysynda 12-eli ishek, uıqy beziniń basy, asqazannyń bóligi alynyp tastaldy, odan ári kúrdeli qaıta qurý-qalpyna keltirý kezeńi boldy. Operatsııa tegin jasaldy, sebebi ol MÁMS júıesi aıasynda ótkizilgen bolatyn. Qazir naýqas operatsııadan keıingi ońaltýdan ótýde. Bul jaǵdaı qazaqstandyq hırýrgtar qoǵamynda baıandaldy.
«Operatsııa ashyq túrde júrgizildi. Óte jaqsy klınıkalyq nátıjege qol jetkizdik. Qalpyna kelý uzaq ýaqytqa sozylady jáne kúrdeli bolady. Kem degende 10-15 kún statsıonarlyq emdeý, sodan keıin 2-3 aı operatsııadan keıingi ońaltýdan ótedi. Sebebi búkil as qorytý júıesi qaıta qurylýda», - dep tolyqtyrdy Borıs Tshaı.
Ekinshi operatsııany OKA hırýrgtary Nur-Sultannan kelgen áriptesterimen birge jasady. Dárigerler búırektiń eki eselenýi sekildi sırek týa bitken anomalııasy bar naýqasqa ota jasady.
24 jastaǵy naýqastyń týǵannan beri bir búıregi tolyq jumys istemegen. Organ zárdiń eń az mólsherin shyǵaryp, keıbir bóligi ishinde jınalyp qalyp otyrǵan. Keıinnen búırektiń bir bóligi úlken mólsherde isinip, qatty aýyrsyný paıda boldy deıdi ol. Laparoskopııalyq ádispen (birneshe tesik arqyly) hırýrgtar búırektiń jumys istemeıtin bóligin alyp tastady. Operatsııa shamamen 4 saǵatqa sozyldy
«Biz nesepaǵardy qýyqtan búırekke deıin bólip, búırektiń keńeıgen jumys istemeıtin bóligin qalpyna keltire aldyq. Operatsııa sátti ótti, naýqas úıine shyǵaryldy. Qazir ony endi búıgeriniń aýyrsynýy mazalamaıdy», - deıdi OKA ýrologııa bóliminiń meńgerýshisi Serik Júnisov