Qaraǵandylyq ǵalym KVI dıagnostıkasy men emdeý hattamasyn ázirlegeni úshin marapattaldy

QARAǴANDY. QazAqparat - Qaraǵandy medıtsına ýnıversıtetiniń prorektory medıtsına ǵylymdarynyń doktory, professor Baqyt Kósherova «Halyq alǵysy» medalimen marapattaldy. Tósbelgini Nur-Sultan qalasynda el Prezıdenti atynan Densaýlyq saqtaý mınıstrligi tabys etti, dep habarlaıdy QazAqparat tilshisi.

QR Prezıdentiniń Jarlyǵymen koronavırýs ınfektsııasyna qarsy kúreske qosqan úlesi úshin Densaýlyq saqtaý mınıstrliginiń 29 qyzmetkeri atap ótildi. Marapattalǵandardyń esimderin QR DSM jaýapty hatshysy Botagóz Jaqselekova atap ótti.

«Koronavırýs pen aýrýshańdyqtyń ósýiniń jańa kezeńi barysynda, densaýlyq saqtaý júıesi zor júktemeni bastan keshken kezde, qurmetti áriptester, sizderdiń kúndelikti atqaryp jatqan ornyqty jáne batyl eńbekterińiz úshin bas ıemiz», - dedi vıtse-mınıstr Lázzat Aqtaeva.

Qaraǵandylyq ǵalym Baqyt Kósherova koronavırýstyq ınfektsııany dıagnostıkalaý jáne emdeý hattamasyn ázirleýshiler tobyn basqardy.

Komanda quramyna ınfektsıonıster, pýlmonologtar, klınıkalyq farmakologtar, anestezıolog-reanımatologtar kirdi. Klınıkalyq hattama búkil álemde júrgizilgen zertteýler negizinde jáne halyqaralyq standarttarǵa sáıkes jasaldy.

Ádistemeni qytaılyq sarapshylar baǵalady.