Qaraǵandylyq fýtbolshylar sevastopoldik qurdastarymen bolǵan joldastyq kezdesýde 2:1 esebimen basym tústi
ALMATY. 15 aqpan. QazAqparat - Keshe Túrkııada oqý-jattyǵý jıynyn ótkizip jatqan Qaraǵandynyń «Shahter» fýtbol klýby «Sevastopol» komandasyn 2:1 esebimen utty.
2002 jyly qurylǵan Sevastopol qalasynyń komandasy 2010/2011 jylǵy maýsymda tuńǵysh ret Ýkraına Premer lıgasynda óner kórsetip 15-oryn alǵan bolatyn. Olar 2009/2010 jylǵy maýsymda Birinshi lıgada, al 2006/2007 jylǵy maýsymda Ekinshi lıgada top jaryp, 2005/2006 jylǵy maýsymda Ekinshi lıgada qola júldeger atanǵan. Qazaqstan Premer lıgasynyń 2010/2011 jylǵy chempıony bul oıynda 2 dopty da kezdesýdiń birinshi jartysynda engizdi.
Bul Vıktor Kýmykov jattyqtyratyn qaraǵandylyqtardyń Túrkııadaǵy sońǵy jıynynda josparlanǵan 4-joldastyq kezdesýi bolatyn. Olar kezdesýdiń barlyǵyn óz paıdasyna sheshti. Atap aıtqanda 8 aqpanda Polshanyń ekstra-klasynda óner kórsetetin Zabje qalasynyń «Gýrnık» komandasyn 1:0 etip utty. Al 7 aqpanda Ózbekstan chempıony Táshkenttiń "Býnedkor" komandasymen ekinshi quramy 1:1 esebimen teń tússe, negizgi quramy 10 aqpanda 2:1 esebimen jeńiske jetti.
«Shahter» endi 20-28 aqpanda Astanada sońǵy ázirlikterin pysyqtaǵan soń 6-naýryzda «Astana-arenada» 2011 jyly Qazaqstan kýbogynyń jeńimpazy atanǵan Shymkenttiń «Ordabasy» komandasymen Sýperkýbokty sarapqa salady.
