Qaraǵandylyq fýtbolshylar óz alańynda Eýropa lıgasyndaǵy qarymta oıynyn ótkizedi

Qaraǵandylyqtar 1 shilde kúni Koperde ótken syrt alańdaǵy alǵashqy oıynda 1:1 esebimen teń túsken bolatyn. Onda alań ıeleri kezdesýdiń 84-shi mınýtynda esep ashqan edi. Vıktor Kýmykovtyń tálimgerlerinen Jambyl Kókeev oıynnyń eń sońǵy mınýtynda penaltıden esepti teńestirip ketti.

Jalpy qaraǵandylyqtar óz tarıhynda ÝEFA aıasyndaǵy kýboktyq básekeler dodasyna osymen tórtinshi ret túsip otyr. Eń alǵash ret olar 2006 jyly Intertoto Kýbogy úshin bolǵan synda Belorýstiń «MTZ-RIPO» komandasymen, odan keıin 2008/2009 jylǵy maýsymda ÝEFA Kýbogynda Vengrııanyń «Debretsen», al 2010 jyly ÝEFA-nyń Eýropa Lıgasynda Polshanyń «RÝH» fýtbol klýbymen kezdesken edi. Olardyń bul jolǵy qarsylasy Slovenııanyń Koper dep atalatyn portty qalasynyń «Lýka Koper» fýtbol klýby bolyp otyr. Koperlikter 2009/2010 jylǵy fýtbol maýsymynda Slovenııa chempıony jáne Slovenııa kýbogynyń ıegeri atanǵan bolatyn. Bıylǵy maýsymda olar Slovenııa chempıonatynyń qola júldegeri atandy.

Eger qaraǵandylyqtar óz alańynda basym tússe, Eýropa lıgasynyń 2-shi dárejelik kezeńine ótken alǵashqy qazaqstandyq komanda bolmaq. Onda olardyń qarsylasy Islandııanyń Vestmannaeııar qalasynyń «IBV» pen Irlandııanyń Dýblın qalasynyń «Sent-Patrıks» fýtbol klýby arasyndaǵy qarymta kezdesýdiń jeńimpazy bolmaq. Buǵan deıin alǵashqy oıynda ıslandııalyqtar qarsylastarynan 1:0 esebimen basym túsken edi.