Qaraǵandylyq fýtbolshylar Lıberetste Chehııanyń «Slovan» komandasyna 0:1 esebimen ese jiberdi
ALMATY. 18 shilde. QazAqparat - Keshe Qaraǵandynyń «Shahteri» Chehııanyń Lıberets qalasynyń «Slovan» komandasymen ÝEFA Chempıondar lıgasynyń 2-dárejelik raýndyndaǵy alǵashqy oıynyn ótkizdi.
Reseılik qazylar tórelik etken bul kezdesýde alań ıeleri sapynan Voıteh Gadashchok 23-mınýtta Aleksand Mokın qorǵaǵan qaqpadan sańylaý tapqan edi. Aıaqdopshylar bir-biriniń qaqpasyna odan keıin de birneshe márte qaýipti jaǵdaı týǵyzǵanymen, esep taqtasyndaǵy kórsetkish oıynnyń sońyna deıin ózgerissiz qaldy.
Vıktor Kýmykov jattyqtyratyn qaraǵandylyqtar endi 24 shildede óz alańynda qarymta kezdesý ótkizedi. Qazaqstan chempıony jarystyń kelesi kezeńine ótý úshin qonaqtardy keminde 2 upaı aıyrmashylyǵymen utýy kerek.
