Qaraǵandylyq fýtbolshylar búgin Albanııa chempıonymen kezdesedi
ALMATY. 6 tamyz. QazAqparat - Qaraǵandynyń «Shahter» fýtbol komandasy búgin Albanııanyń Tırana qalasynda Korcha qalasynyń «Skenderbeý» komandasymen ÝEFA Chempıondar lıgasynyń úshinshi dárejelik raýndyndaǵy ekinshi matchyn ótkizedi.
Buǵan deıin olar Astanada ótken alǵashqy matchta qarsylastaryn 3:0 esebimen oısyrata utqan bolatyn. Qaraǵandylyqtardyń bas bapkeri Vıktor Kýmykov bul oıynda óz basymdyǵyn saqtap qalsa, el tarıhyndaǵy Chempıondar lıgasynyń pleı-off kezeńine komandasyn alyp shyqqan tuńǵysh bapker atanbaq.
Jeksenbi kúni Qazaqstan Premer-lıgasynyń 22-shi týrynda týrnır kestesiniń sońynda kele jatqan Oraldyń «Aqjaıyǵyn» 4:0 esebimen jeńgen qaraǵandylyqtar qazir úshinshi orynda tur. Olar kósh basyndaǵy «Aqtóbeden» - 12, «Astanadan» 6 upaıy kem. Al ózin ókshelep kele jatqan Pavlodardyń «Ertisinen» - 1, Almatynyń «Qaıratynan» 4 upaıy artyq.
Korchalyqtar bolsa, qazir 2012/2013 jylǵy Albanııa chempıonatynda 26 týrdyń qorytyndysy boıynsha 14 komandanyń arasynda 58 upaımen týrnır kestesinde kósh bastady. Olardyń úzdik bestiktegi «Kýkesıden» - 6, «Teýtadan» - 10, «Flamýrtarıden - 12, «Tıranadan» 15 upaıy artyq.
