Qaraǵandylyq fýtbolshylar Astanada Albanııa chempıonymen kúsh synasady
ALMATY. 29 shilde. QazAqparat - Qaraǵandynyń «Shahter» fýtbol komandasy 30 shilde kúni Astanada ÝEFA Chempıondar lıgasynyń úshinshi irikteý kezeńinde Albanııanyń Korcha qalasynyń «Skenderbeý» komandasymen kúsh synasady.
Qaraǵandylyqtardyń bas bapkeri Vıktor Kýmykov qarsylastaryn teń dárejedegi komanda sanaıtynyn jetkizdi. Mırel Iosa baptaıtyn korchalyqtar - Albanııa chempıonatynda 2011 jyldan beri qarsylas shaq keltirmeı júrgen ujym. Olar el birinshiliginiń 4 dúrkin (1933, 2011, 2012, 2013) chempıony jáne 3 dúrkin el kýbogyn (1958, 1965, 1976) ıelengen. Bul komandanyń negizi 1909 jyly qalanǵan. Buǵan deıingi 2 maýsymda da Chempıondar lıgasynda ekinshi irikteý kezeńinde súringen «Skenderbeý» bıyl tuńǵysh ret óz tarıhynda úshinshi raýndqa shyǵyp otyr. Olar da qarymta oıynyn endi óz alańynda emes, Albanııa astanasynda ótkizbek.
