«Qaraǵandylyq» fýtbolshylar Antalııaǵa attanady
ALMATY. 31 jeltoqsan. QazAqparat - Qaraǵandynyń «Shahter» fýtbol klýby 3-15 qańtarda Túrkııanyń Antalıa qalasynda ekinshi oqý-jattyǵý jıynyn ótkizedi.
Alǵashqy jıynyn olar onda 9-27 jeltoqsan kúnderi ótkizgen bolatyn. Bıyl chempıondyq ataǵyn saqtap qalǵan qaraǵandylyqtar jańa maýsymǵa ázirlik kezinde 3 joldastyq kezdesý ótkizdi. Alǵashqysyn 14 jeltoqsanda Almatynyń «Qaıratymen» ótkizgen chempıondar 0:2 esebimen kútpegen jerden jeńilis tapty. Vıktor Kýmykov baptaıtyn «shahterlar» odan keıin QR Táýelsizdik kúni Malaızııanyń jastar quramasyn 3:0 etip jeńip jankúıerlerin bir jelpintken edi. 19 jeltoqsanda Reseıdiń Nalchık qalasynyń «Spartak-Nalchık» komandasymen bolǵan aqtyq oıynda 0:1 esebimen qarsylasyna ese jiberdi.
