Qaraǵandylyq fermer kórshisiniń jylqylaryn atyp tastaǵan
30 qyrkúıekte Qaraǵandy oblysy Buqar Jyraý aýdanynyń polıtsııa basqarmasy Ǵ.Mustafın kentiniń polıtsııa bólimine 62 jastaǵy sharýa qojalyǵynyń basshysynan aryz túsken. Ol belgisiz bireý onyń tórt jylqysyn atyp tastaǵanyn habarlaǵan. Shyǵyn somasy 3 mln teńgeni qurady. Oqıǵa ornyna jedel-tergeý toby attandy.
«Polıtseıler kúdiktini izin sýytpaı ustady. Ol basqa sharýa qojalyǵynyń 71 jastaǵy basshysy bolyp shyqty. Fermer jylqylardyń astyq alqabynda jaıylyp júrgenin jáne olardy qorqytý úshin atys qarýyn qoldanǵanyn túsindirdi. Polıtsııa kúdiktiden tirkelgen ań myltyǵyn tárkiledi. QR Qylmystyq kodeksiniń 202-baby «Bótenniń múlkin qasaqana joıý nemese búldirý» boıynsha qylmystyq is qozǵaldy. Tergeý júrip jatyr», - dep habarlady Qaraǵandy oblysy Polıtsııa departamentiniń baspasóz qyzmetinen.
QR QK-niń atalmysh baby boıynsha fermerge 2000 AEK (1 AEK – 2917 teńge) nemese 5 834 000 kóleminde aıyppul salynady nemese eki jylǵa bas bostandyǵynan aıyrylýy múmkin.