Qaraǵandylyq fermer 59 jastaǵy er adamdy quldyqta ustaǵan
QARAǴANDY. QazAqparat – Qaraǵandy oblysynyń polıtseıleri aýyldardyń birinde fermada jumys istetý úshin er adamdy zańsyz ustaý áreketin anyqtady, dep habarlaıdy QazAqparat tilshisi.
Qaraǵandy oblystyq PD krımınaldyq polıtsııa jáne jergilikti polıtsııa qyzmetkerleri «Stop trafık» jedel-profılaktıkalyq sharalaryn júrgizdi. Aqtoǵaı aýdanynda ornalasqan qystaýlardyń birinde polıtsııa qyzmetkerleri 59 jastaǵy er adamǵa qatysty eńbekti qanaý maqsatynda zańsyz bas bostandyǵynan aıyrý faktisin anyqtady.
«Jedel izdestirý sharalary barysynda qystaýdyń 56 jastaǵy ıesi tabylyp, ol kinásin moıyndady. Osy fakti boıynsha QR QK 126-baby 1-bóligi (Zańsyz bas bostandyǵynan aıyrý) boıynsha sotqa deıingi tergeý bastaldy», - dep túsindirdi Qaraǵandy oblystyq PD baspasóz qyzmetinen.
Bul is QR ІІM men Qaraǵandy oblystyq PD basshylyǵynyń baqylaýyna alyndy. Osyǵan baılanysty óńirdegi qystaýlarda reıd júrip jatyr.
