Qaraǵandylyq eriktiler Maqtaaralǵa 2 tonnadan astam gýmanıtarlyq kómek jiberdi
Túrkistan oblysynyń Maqtaaral aýdanynda tehnogendik sıpattaǵy tótenshe jaǵdaı jarııalandy. Eldi mekenderdi Ózbekstannyń sý qoımasyndaǵy bóget jarylǵannan keıin sý basty. 30 myńnan astam turǵyn qaýipsiz jerge kóshirildi.
«Zardap shekkenderge kómektesý – bizdiń paryzymyz. Sondaı-aq, Saryarqa Jastary oblystyq shtabynyń eriktileri 2 mamyrdan bastap sý tasqynynan zardap shekkenderge gýmanıtarlyq kómek jınaýdy bastady. Búgin biz olarǵa 2 tonnadan astam júk jiberemiz», - deıdi Saryarqa Jastary eriktiler oblystyq shtabynyń ókili Álisher Samarbaev.
Onyń aıtýynsha, birinshi kezekte qajetti ónimder men gıgıena quraldarynan gýmanıtarlyq júk jınaýǵa «Lıngva» shet tilderi kolledjini ókilderi men kásipkerler kómektesti. Bul tek birinshi partııa. Sý apatynan zardap shekkenderge gýmanıtarlyq kómek jınaý jalǵasyp jatyr.
«Bul kómekti biz úsh kún ishinde jınaı aldyq. Bizdiń demeýshilerimizge, sondaı-aq qarapaıym adamdarǵa alǵys aıtamyz. Qazirgi kúrdeli ýaqytta bir - birimizge kómek kórsetý, adamgershilikti saqtaý jáne jaqsylyqty arttyrýdyń mańyzy óte zor», - dep atap ótti volonter Symbat Áýbakirova.
