Qaraǵandylyq eriktiler «25 ıgi is» aktsııasyn bastady
Qaraǵandy oblysynyń jastar saıasaty máseleleri jónindegi basqarmasynyń basshysy Nurjan Jetpisbaev Eriktiler jylynda qandaı aktsııalar josparlanǵany týraly aıtyp ótti.
«2020 jyly birneshe joba júzege asyrylady. Olardyń birinshisi – eriktiler úshin ınfraqurylym qurý. Ekinshisi – olarǵa ádisnamalyq jáne zań konsýltatsııalaryn uıymdastyrýǵa arnalǵan alańdar uıymdastyrý. Qaraǵandyda jáne oblystyń barlyq aýdandarynda eriktilerdi qoldaý ortalyqtary ashylady. Úshinshi mindet – eriktiler qozǵalysyna barynsha kóp adamdardy jumyldyrý. Bıylǵy jyly Eriktiler jyly aıasynda jeti baǵyt boıynsha jumystar anyqtaldy. Olardyń biri – «Asyl mura». Bizdiń oblysta 2700-den astam tarıhı eskertkishter men jádigerler bar. Bizdiń volonterlerimiz olardy qaıta qurýǵa kómektesetin bolady», - deıdi Nurjan Jetpisbaev.
Onyń aıtýynsha, búginde Qaraǵandy oblysynda 89 eriktiler qozǵalysy jumys isteıdi. Oǵan 5000-nan astam adam qatysýda. Bul kórsetkishti 20 000 adamǵa deıin ulǵaıtý josparda bar.
Іs-shara aıasynda «TJ aldyn alýda jáne olardyń saldaryn joıýdaǵy volonterliktiń róli» taqyrybynda semınar ótti. Tótenshe jaǵdaılar departamentiniń qyzmetkerleri eriktilerge alǵashqy medıtsınalyq kómek kórsetý, órt jáne sý tasqyny kezinde áreket etý týraly aıtyp berdi. Sondaı-aq qutqarýshylar kórme uıymdastyryp, onda órt sóndirýshiler men súńgýir kostıýmderi, arnaıy jabdyqtar kórsetildi.
«Men eriktilerdiń mobıldi otrıadtaryn qurýdy jáne olardy órtterdi, sý tasqynyn joıýǵa, sondaı-aq tótenshe jaǵdaılar kezinde adamdardy izdeýge, alǵashqy medıtsınalyq kómek kórsetýge úıretýdi usynamyn. Eger bir nárse bolsa, kez kelgen adam shyǵyp, shtab uıymdastyryp, jumys isteı alady. Qaraǵandy oblysynyń barlyq volonterlik uıymdarynyń bul kezdesýi bizdi biriktirýge jáne birge jumys isteýge kómektesedi. Jobalardy, ıdeıalardy usyný jáne talqylaý jáne olardy júzege asyrýǵa septigin tıgizedi», - dedi Saran qalasynyń Eriktiler qozǵalysy ortalyǵynyń jetekshisi Evgenıı Hısmetov.
Evgenıı óziniń eriktiler qozǵalysyn 1995 jyly qurǵan. Pikirlestermen birge ol qolaısyz jáne az qamtylǵan otbasylarynyń balalaryna kómektesedi, qıyn jasóspirimdermen, esirtkige táýeldi jastarmen jumys isteıdi.
«Biz olardyń bos ýaqytyn paıdaly ótkizýi úshin sharalar uıymdastyramyz», - deıdi Evgenıı.
Sondaı-aq búgingi is-shara aıasynda «25 ıgi is» aktsııasy bastaldy. Ol Qazaqstan halqy Assambleıasynyń 25 jyldyǵyna oraılastyryldy. Eriktiler azamattardyń áleýmettik osal toptaryna kómek kórsetedi.
«Jalpy, Qaraǵandy oblysynda Assambleıa janynan qurylǵan eriktiler qozǵalysy birneshe baǵytta jumys isteıtin bolady. Bizdiń basty maqsatymyz – barlyq eriktilerdi biriktirý jáne birge jumys isteý bolyp tabylady. Bul salada jaqsy tájirıbemiz bar. Qaraǵandylyqtar EKSPO-2017 jáne Ýnıversıada-2017 sııaqty halyqaralyq is-sharalarda jumys istedi. Biz zeınetkerler men balalar úıinen shyqqan balalarǵa kómektesemiz. Qaraǵandy QHA eriktiler qozǵalysyna 200 adam qatysady. Olardyń eń jasy 11 jasta, al eń úlkeni – 67-de», - deıdi Qaraǵandy oblysynyń QHA eriktiler qozǵalysy ortalyǵynyń jetekshisi Damır Meńdibekov.