Qaraǵandylyq energetıkter sý tasqynyna 30-dan astam tehnıka daıyndady
QARAǴANDY. QazAqparat - Qaraǵandylyq JEO-1 jáne JEO-3-te kóktemgi sý tasqyny kezinde apatsyz jumysty qamtamasyz etý boıynsha keshendik sharalar júzege asyrylýda, dep habarlaıdy óńir basshysynyń resmı saıty.
Kóktemgi sý tasqynyna oraı arnaıy komıssııa quryldy. Energetıkter oryn alýy múmkin zaqymdanýlar men apattyq jaǵdaılardy joıýǵa qajet sýdy tartyp shyǵarýǵa arnalǵan drenajdy jáne jyljymaly sorǵyshtardyń, qajetti tehnıkanyń, quraldar men materıaldardyń daıyndyǵyn tekserdi. Tótenshe oqıǵa oryn alǵan jaǵdaıda 30 birlikten astam tehnıka jumyldyrylatyn bolady. Kezekshi qyzmetkerler arnaıy nusqaýlyqtan ótýde. 
Stantsııa aýmaǵynda únemi túrde qar tazalanyp otyrady. Stantsııanyń barlyq gıdrotehnıkalyq qurylǵylary - birinshi kezekte qaýipti akvatorııler - kúl úıindileri - erigen qar sýyn ótkizý jaǵdaıy muqııat qaralady jáne ázirlenedi.
Energetıkter kúl úıindiler bógeti jarylǵan jaǵdaıda qorǵaý sharalaryn ótkizýge qatysty sharalar keshenin quryp, daıyndalýda. Drenajdy júıeler men sý qabyldaǵysh qudyqtar tekseriledi. Jarylýdan saqtaıtyn materıaldardyń qory qurylǵan.
Sonymen qatar gıdrometeorologııalyq qyzmettermen únemi jáne jedel baılanys ornatylǵan jáne qorshaǵan orta men meteo jaǵdaılardyń ózgeristerin kún saıyn baqylaý jumystary uıymdastyryldy.
