Qaraǵandylyq energetıkter qysqy jylytý maýsymyna qalaı daıyndalyp jatyr

QARAǴANDY. QazAqparat – Qaraǵandyda suryptaý aýdanynda magıstraldy qubyrlardy jańa materıalmen oqshaýlaý jumysy bastaldy. Folgadan jasalǵan shyny talshyqpen qaptalǵan mıneraldy jabyn jylýdy saqtaýǵa jáne ony qala turǵyndaryna temperatýrasyn joǵaltpaı jetkizýge kómektesedi. Sonymen qatar bul materıal vandaldardy qyzyqtyrmaıdy, dep habarlaıdy QazAqparat tilshisi.

Oblys ortalyǵy jylý berý maýsymyna qalaı daıyndalyp jatqanyn energetıkter baıandap berdi.

«Uzyndyǵy 16,6 km jylý jelileriniń ýchaskelerinde jylý oqshaýlaý tozǵan, al bir jerde múldem bolmaǵan. Qazir merdiger qubyrlardy eski oqshaýlaýdan tazartady, tegistegish astar, lak jáne jylý oqshaýlaǵysh qabatyn qoldanady. Qazirdiń ózinde 8,8 shaqyrym qubyrǵa tegistegish astar jaǵylǵan, 8,3 km lakpen syrlanyp, 3,5 km jylý oqshaýlaǵyshy tóseldi», – dep túsindirdi «Teplotranzıt Qaraǵandy» kompanııasynyń bas ınjeneri Ivan Vytkın.

Onyń aıtýynsha, oqshaýlaýdyń bul túri oblysta alǵash ret qoldanylyp otyr. Ol - otandyq ónim. Óndirýshi temirtaýlyq kompanııa oǵan 5 jyl kepildik beredi.

Jumysty jyl sońyna deıin aıaqtaý josparlanǵan, biraq qazir merdiger merziminen buryn jyljyp keledi.

Sondaı-aq, olar magıstraldiń aqaýly bóligin aýystyrýda, sebebi ótken qysta birneshe apat bolǵan. Bul Ońtústik-Shyǵystyń jylýmen jabdyqtalýyn jaqsartady.

Qaraǵandynyń JEO-3-te jóndeý jumystaryn 30 qyrkúıekte aıaqtaý josparlanyp otyr.

Stantsııada 8 qazandyq pen 6 týrbına jóndeledi.

«23 birlik jylýlandyrý jabdyǵy - jelilik sý jylytqyshtar men shyńdy boılerlerge aýqymdy tazartý júrgizilýde. Stantsııa aýmaǵynda ótetin qubyrdyń oqshaýlaý qabaty tolyǵymen aýystyryldy. Bul shamamen 1400 metr. Ótken jyldaǵydaı jylýmen baılanysty jaǵdaı qaıtalanbaıdy», - dep sendirdi JEO-3 bas ınjeneri Konstantın Pıatkov.

Úshinshi jylý qubyrynyń qurylysy týraly «NS Sıstema» merdigerlik uıymynyń basshysy Sergeı Frık aıtyp berdi.

Kópten kútken joba Ońtústik-Shyǵys pen Jańa ortalyqta jylý tapshylyǵynan qutylýǵa kómektesedi.

Esterińizge sala keteıik, úshinshi jylý qubyrynyń qurylysy oblys ákimi Jeńis Qasymbektiń bastamasymen bastalǵan bolatyn. Joba respýblıkalyq bıýdjetten qarjylandyrylady.

JEO-3-ten qalaǵa ótetin magıstraldyq jelilerdiń uzyndyǵy 22 shaqyrymdy quraıdy.

Bir tarmaǵy Maıqudyqtyń Kógildir toǵan aýdanyna kiredi. Sonymen birge bir ýaqytta tórt sorǵy stantsııasy salynýda.

Qazir jylý qubyrynyń qurylysyna 75 jumysshy men 45 arnaıy tehnıka jumyldyryldy.

Qurylys-montaj jumystaryn 2022 jyly aıaqtaý josparlanyp otyr.