Qaraǵandylyq eki dzıýdoshy Olımpıada oıyndaryna joldama aldy
QARAǴANDY. QazAqparat – Halyqaralyq dzıýdo federatsııasy (IJF) olımpıadalyq biliktilikten ótken sportshylardyń tizimin jarııalady, dep habarlaıdy QazAqparat.
Tokıoda ótetin oıyndarda Qazaqstannyń namysyn alty dzıýdoshy qorǵaıdy, olardyń ekeýi Qaraǵandy oblysynan. Ol 73 kelige deıingi salmaq dárejesinde Jansaı Smaǵulov
pen 90 kelige deıingi salmaq dárejesinde Islam Bozbaev.
Úsh jyl ishinde 110 elden, sonyń ishinde Japonııadan kelgen bes qurlyqtyń sportshylary Olımpıada arenasynda óner kórsetý quqyǵyna ıe bolý úshin baq talastyrdy. Kvotalardy bólýde olımpıadalyq reıtıngtegi qorytyndy nátıjesi qoldanyldy.
Biliktilik kezeńi Vengrııada dzıýdodan álem chempıonatynan keıin aıaqtaldy.
Dzıýdodan álemdik týrǵa qatysýshylardyń barlyq upaılaryn eseptegennen keıin sportshylardyń qorytyndy tizimi belgili boldy.
«Oıyndarǵa irikteý 2018 jyldyń 25 mamyrynan bastaldy. Ár salmaqta 18 sportshy óner kórsetedi. Elimizdiń ár sanatynda tek bir ǵana sportshy jarysa alady», – dep atap ótti Dzıýdodan Qazaqstan quramasynyń bas bapkeri Ǵalymjan Jylgeldıev.
Olımpıada oıyndarynda sportshylar barlyǵy on bes medal jıyntyǵy úshin baq talastyrady: erler men áıelderde jetiden. Taǵy bireýi komandalyq jarystarǵa arnalǵan.
Ótken 2016 jylǵy Rıo Olımpıadasyna da elimizden alty dzıýdoshy barǵan edi.
Qazirgi ýaqytta Qazaqstan sporttyń 28 túrinen 82 joldama jeńip aldy.
