Qaraǵandylyq eki boksshy QR Prezıdenti Kýbogynda júlde ıelendi
QARAǴANDY. QazAqparat – Nur-Sultan qalasynda ótken bokstan QR Prezıdentiniń kýbogynda qaraǵandylyq boksshy Abylaıhan Júsipov altyn medal utyp alsa, Aıjan Qojabekova kúmis júlde ıelendi, dep habarlaıdy QazAqparat tilshisi.
Astanada Qytaı, Fılıppın, Tájikstan, Sırııa, Ózbekstan, Úndi, Aljır, Reseı, Bolgarııa, Qyrǵyzstan, Mońǵolııa jáne Qazaqstannan kelgen kil myqty sportshylar kúsh synasty. Bizdiń erler quramasynyń músheleri dodany qanjyǵasyna 18 medal saldy. Qaraǵandylyq Abylaıhan Júsipovke 69 keli salmaq dárejesinde teń keler sportshy bolǵan joq.
«Týrnır tamasha ótti. Jekpe-jekter de keremet boldy. Ózin jaqsy kórsete alǵan kim deseńiz? Birden Abylaıhan Júsipov dep jaýap beremin. Boksshy týrnır boıy óziniń joǵary deńgeıin kórsete bildi. Aqtyq saıysta ol jas sprotshymyz Talǵat Sháıkenovpen kezdesti. Munda, árıne, Júsipovtyń sanaty degenmen de joǵary boldy», - dedi olympic.kz -ke bergen suhbatynda quramanyń bas jattyqtyrýshysy Ǵalymbek Kenjebaev.
Qazaqstannyń áıelder komandasy 11 medal ıelendi. Qaraǵandylyq Aıjan Qojabekova 57 kelige deıingi salmaq dárejesinde kúmis júldeni jeńip aldy.
