Qaraǵandylyq eki azamattyń kóligin tartyp alǵan qarýly qylmyskerler qolǵa tústi
QARAǴANDY. QazAqparat - Qaraǵandy oblysynyń polıtsııa bopsalaýmen aınalysqan bir top qylmyskerdi ustady, dep habarlaıdy QazAqparat tilshisi.
Oblystyń ІІD-niń málimetinshe, Qaraǵandy oblystyq Іshki ister departamentiniń kezekshi bólimine Saran qalasynyń eki turǵyny habarlasyp shaǵym túsirgen. Aryzdarynda belgisiz bireýler qalanyń mańaıynda kúsh kórsetkenin, qarý kezenip bopsalaý arqyly avtokólikterin ıemdenip alǵanyn jetkizgen.
Jedel izdestirý sharalaryn júrgizý barysynda Qaraǵandy oblysynyń 23-27 jas aralyǵyndaǵy 5 turǵyny ustaldy. Kúdiktiler óz kinálaryn moıyndap, túsinik bergen.
Atalmysh faktige qatysty QR Qylmystyq kodeksiniń 194 baby, 2-bóligi («Bopsalaý») boıynsha tergeý amaldary júrgizilip jatyr.
