Qaraǵandylyq Ekaterına Aıdova konkıden jasóspirimder arasyndaǵy Álem kýbogyn jeńip aldy
QARAǴANDY. Naýryzdyń 10-y. QazAqparat /Valentına Elızarova/ - Qaraǵandylyq Ekaterına Aıdova aqtyq kezeńi Berlınde ótken konkı sportynan jasóspirimder arasyndaǵy Álem kýbogyn jeńip aldy.
Ekaterına Aıdova osynaý halyqaralyq jarystyń barlyq tórt kezeńinde jeńiske jetip, absolıýttik jeńimpaz atandy. Esterińizge sala keteıik, Kýboktyń alǵashqy kezeńi Nıderlandyda, Gronıngen qalasynda ótse, ekinshi jáne úshinshi kezeńi - Italııanyń Kollbambo jáne Bazelge-dı-Pıne qalalarynda ótti. Aqtyq saıysqa qazaqstandyq sportshy Vankýver Olımpıadasynan keıin attandy.
E.Aıdova 500 jáne 1 myń metrlik sprınterlik qashyqtyqtarda birinshi bolyp kelip, jalpy esepte altyn medaldi jeńip aldy.
Qazir qaraǵandylyq sportshy Máskeýde naýryzdyń 12-14-inde jasóspirimder arasynda ótetin álem chempıonatyna daıyndalýda.
