Qaraǵandylyq dombyrashy qyz Pragadaǵy talanttar jobasynyń jeńimpazy atandy
QARAǴANDY. QazAqparat - Qaraǵandynyń mýzykalyq mekemesinde bilim alýshylar Rım, Kann, Pragada ótken «Talanttar otshashýy» jobasy aıasynda ótken halyqaralyq baıqaýlarda júldeli oryndarǵa ilikti, dep habarlaıdy QazAqparat.
Mýzykalyq baıqaýlarǵa 24 qaraǵandylyq oqýshy qatysqan. Olardyń barlyǵy kóptegen respýblıkalyq jáne halyqaralyq baıqaýlardyń jeńimpazdary. Sapardy Qaraǵandy qalasynyń bilim bólimi qala ákimdiginiń qoldaýymen uıymdastyrdy.
«Dombyrashy qyzymyz Zeınel Uljan Pragada jeńimpaz atandy. Ol baıqaýda 1-oryndy ıelenip, úzdik ulttyq kıimi úshin gramotamen marapattaldy. Ol basqa da júldegerlermen birge 2018 jyldyń qazan aıynda Sankt-Peterbýrgte ótetin «Talanttar otshashýy» halyqaralyq jobasynyń VIII sýperfınalyna qatysady», - deıdi №1 óner mektebiniń dırektor shkoly Anastasııa Bermıcheva.
Uljan №1 óner mektebinde 6 jasynan beri bilim alyp keledi. Ol vokal bólimshesi men qazaqtyń ulttyq aspaptary boıynsha dombyra bólimshesin bitirgen. Qazir ol salalyq synypta oqıdy, ári kolledjge túsýge ázirlenýde. Sondaı-aq Uljan - kóptegen baıqaýlardyń júldegeri. Mysaly, «Kúnshýaq» (Almaty) halyqaralyq baıqaýynyń Gran-prı ıegeri, «Juldyzdy joba» (Qaraǵandy) halyqaralyq baıqaýynda 1-oryn, «Aq kógershin» (Astana) halyqaralyq baıqaýynda 1-oryn, «Rýh» (Qaraǵandy) halyqaralyq baıqaýynda 1-oryn alǵan.
Sonymen qatar, ónerpaz jas qaraǵandylyqtarǵa Varshava (Polsha), Vena (Aýstrııa), Praga (Chehııa) qalalarynyń tarıhı jerlerine ekskýrsııalyq baǵdarlama uıymdastyryldy.
Avtor: Gúlzat Sahova
