Qaraǵandylyq dárigerler shahtadaǵy gaz shyǵaryndysynan zardap shekkenderdiń jaǵdaıyn aıtty
QARAǴANDY. QazAqparat – Lenın atyndaǵy shahtada oryn alǵan jazataıym oqıǵada zardap shekken eki kenshi Qaraǵandy oblystyq medıtsına ortalyǵynyń toksıkologııalyq bólimshesine jatqyzyldy. Olar qazirgi ýaqytta ortasha aýyr halde jatyr, dep habarlaıdy QazAqparat tilshisi.
Lenın atyndaǵy shahtada gaz jáne kómir shyǵaryndysy saldarynan eki adam zardap shekti. Qazirgi ýaqytta olar Qaraǵandy qalasyndaǵy OMO toksıkologııalyq bólimshesinde jatyr.
«1969 j. t. patsıent 14 qańtar saǵat 03:33-te aýrýhanaǵa jetkizildi. Dıagnozy: shahta gazdarymen, onyń ishinde ortasha aýyrlyqtaǵy ýly gazben jedel ıngalıatsııalyq ýlaný. Toksıkologııalyq entsefalopatııa. Jaǵdaıy turaqty, ortasha aýyr halde.
1997 j. t. patsıent 14 qańtar 03:35-te jetkizildi. Dıagnozy: shahta gazdarymen, onyń ishinde ortasha aýyrlyqtaǵy ýly gazben jedel ıngalıatsııalyq ýlaný. Toksıkologııalyq entsefalopatııa. Jaǵdaıy turaqty, aýyr halde», - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.
Esterińizge sala keteıik, 2021 jyldyń 13 qańtarynda 21 saǵat 53 mınýtta «ArselorMıttal Temirtaý» AQ Kómir departamentiniń Lenın atyndaǵy shahtasynda (gorızont 340, tereńdigi 840 metr) barlaý uńǵymasyn burǵylaý kezinde metan gazy men kómirdiń usaq fraktsııalary joǵary atyndysy bolǵan edi.
Atalǵan fakti boıynsha tergeý komıssııasy quryldy.
