Qaraǵandylyq dárigerler Ózbekstan azamatyn qaýipti ınfektsııadan aman alyp qaldy
QARAǴANDY. QazAqparat - Qaraǵandy qalasyndaǵy ınfektsııalyq aýrýhanada em alǵan Ózbekstan turǵyny keıin atalmysh medıtsına mekemesine kelip, dárigerlerge alǵys aıtty, dep habarlaıdy QazAqparat tilshisi.
19 jastaǵy naýqas aýyr halde reanımatsııaǵa túsken bolatyn. Oǵan tyrysqaq dıagnozy qoıyldy. Bir aıǵa jýyq ýaqyt boıy qaraǵandylyq dárigerler onyń ómiri úshin kúresken
Shohrýh Toshpýlatov Qaraǵandyǵa maýsym aıynda kelgen. 10 kúnnen keıin ol ishi túıilip men qatty aýyrsynǵan. Keıin anyqtalǵandaı, ol óz elinde tabanyn shegemen jaralap alyp, medıtsınalyq kómekke júginbegen.
«Bul aýrý teri jamylǵysynyń jaraqat alýy, shań, kir túsýi kezinde damýy múmkin. Eger adam egilmegen bolsa, ol sirespeni juqtyrý yqtımaldyǵy kóp. Ýaqytty jiberip almaý óte mańyzdy - sondyqtan ınfektsııalyq aýrýhanada úzdik mamandardyń qatysýymen konsılıým ótkizildi jáne emdeýdiń belgili bir taktıkasy jasaldy», - dep habarlady Qaraǵandy oblysy Densaýlyq saqtaý basqarmasynyń basshysy Erjan Nurlybaev.
Aýrýhanadan shyqqannan keıin Shohrýh Toshpýlatov úıine ketip, birneshe aı ótken soń Qaraǵandyǵa qaıta oraldy. Ol ómirin ajaldan arashalarp qalǵan medıtsına qyzmetkerlerine alǵysyn bildirý úshin arnaıy kelgen eken.
«Bólim meńgerýshisi Aınagúl Saramanovaǵa jáne reanımatolog dáriger Artem Vırtske joǵary biliktiligi jáne emdelýshilerge degen ystyq yqylastary úshin kóp rahmet. Meniń osy kisilerge degen alǵysym sheksiz. Olar meniń ómirimdi saqtap qaldy», - deıdi Shohrýh Toshpýlatov.
Jyl saıyn 160 myńnan astam adam tyrysqaqtan kóz jumady. Tipti damyǵan elderde emdeýdiń eń zamanaýı ádisterin qoldanǵan jaǵdaıda da aýrýhanaǵa jatqyzylǵan naýqastardyń 30-60% qaıtys bolady. Qajetti mólsherde sirespege qarsy sarysýy joq óńirlerde ólim-jitim 80%-ǵa deıin jetedi.
Medıkter sirespe dertin 4 formaǵa bóledi: shuǵyl, ótkir, ótkir túrge jaqyn, sozylmaly. Mamandardyń aıtýynsha, sirespe aýrýynyń aldyn alýdyń eń tıimdi ádisi - erte jastan bastap júrgiziletin profılaktıkalyq ekpeler jasaý.
