Qaraǵandylyq dárigerler omyrtqaaralyq jaryqty emdeıtin jańa tehnologııany engizbek
QARAǴANDY. QazAqparat – Qaraǵandy oblystyq H. J. Maqajanov atyndaǵy travmatologııa jáne ortopedııa ortalyǵynda transforamınaldy endoskopııalyq hırýrgııa tehnologııasyn engizý boıynsha sheberlik sabaqtar ótedi, dep habarlaıdy QazAqparat tilshisi oblystyq Densaýlyq saqtaý basqaramasynyń baspasóz qyzmetine silteme jasap.
Zamanaýı emdeý túrin úıretý úshin Qaraǵandyǵa Qytaı men Novosibirden bilikti mamandar shaqyrylǵan. Joǵary sanatty neırohırýrg, medıtsına ǵylymdarynyń kandıdaty, NTOǴZI-niń aǵa ǵylymı qyzmetkeri Sergeı Mıshınov jáne Tangdý aýrýhanasynyń professory Van Peng (halyqtyq-azattyq armııasynyń áskerı-áýe kúshteri áskerı-medıtsınalyq ýnıversıtetiniń aýrýhanasy, neırohırýrgııa bólimi) jergilikti dárigerlerge keńes beredi.
Bel omyrtqasyndaǵy omyrtqaaralyq jaryq basqalarǵa qaraǵanda jıi kezdesedi. Ol progressıvti osteohondrozdan nemese arqa jaraqatyna baılanysty paıda bolady.
Omyrtqadaǵy jaryqty emdeýdiń hırýrgııalyq ádisterin konservatıvti terapııanyń tıimsizdigi jáne julynnyń asqynýy baıqalǵanda qoldanady. Transformaldy endoskopııalyq omyrtqa hırýrgııasy bel omyrtqasynyń jaryǵy (bólingen jaryqtar, omyrtqaaralyq dıskiniń ekstrýzııasy jáne protýzasy), stenoz jáne arqanyń aýyrsynýy sııaqty operatsııalarǵa múmkindik beredi. Bul ádis jumsaq tinderdiń jaraqattanýyn azaıtyp, júıke qurylymdaryna zaqym keltirmeıdi jáne aýrýhanada bolý uzaqtyǵy qysqarady.
