Qaraǵandylyq dárigerler laparoskopııa ádisi boıynsha sheberlik arttyrdy
Qaraǵandyda Reseıden kelgen maman úsh tómen ınvazıvti operatsııa jasady. Uıymdastyrýshylar sheberdiń jumysyn translıatsııa arqyly ártúrli elderdiń dárigerlerine taratty. Oflaın rejıminde operatsııaǵa OKB hırýrgııalyq ortalyǵynyń barlyq dárigerleri qatysty.
Alǵashqy operatsııa kezinde stomasy bar naýqasqa kómek kórsetildi. Máskeýlik hırýrgke syrtqa shyǵarylǵan ishektiń bir bóligin ornyna qaıtarý jáne onyń fýnktsıonaldyǵyn qalpyna keltirý kerek boldy.
«Muny isteý úshin ishtiń qabyrǵasy tolyǵymen kesilip klassıkalyq tásilmen ótkiziledi, sonymen qatar bul operatsııany kishkentaı tilikter arqyly laparoskopııalyq ádispen de jasaýǵa bolady. Laparoskopııa naýqastyń tez qalpyna kelýine, jaqsy kosmetıkalyq nátıjege jáne asqynýlardyń belgili bir túrin azaıtýǵa múmkindik beredi», - deıdi Ortalyq klınıkalyq aýrýhana men Reseı Federatsııasy Prezıdenti Іs basqarmasynyń emhanasy Koloproktologııa bóliminiń meńgerýshisi Artem Goncharov.
Qaraǵandylyq dárigerler laparoskopııa ádisin keńinen qoldana alady.
«Bul ádis óte qyzyq, bizge laparoskopııalyq hırýrgııanyń jańa kókjıegin kórsetedi. Qalaı bolǵanda da, biz buryn toq ishekke kúrdeli rekonstrýktıvti operatsııalardy ashyq túrde jasadyq. Qazir nıýanstardy talqylaǵannan keıin bizde laparoskopııalyq tehnologııalar engiziledi dep oılaımyn», - dedi oblystyq klınıkalyq aýrýhana dırektorynyń hırýrgııa jónindegi orynbasary Borıs Tshaı.
