Qaraǵandylyq dárigerler qaıta vaktsınatsııadan kimder jáne qashan ótý kerektigin aıtty

QARAǴANDY. QazAqparat – Qarashanyń úshinshi onkúndiginde Qaraǵandy oblysynda koronavırýs ınfektsııasyna qarsy revaktsınatsııa bastalady. Dárigerler kross-revaktsınatsııadan ótýdi usynady, dep habarlaıdy QazAqparat tilshisi.

Revaktsınatsııanyń artyqshylyǵy nede jáne nelikten qaıta ımmýndaý nelikten qajet ekeni týraly ınfektsıonıst dáriger, medıtsına ǵylymdarynyń doktory Rozalııa Begaıdarova Óńirlik kommýnıkatsııalar qyzmeti alańynda ótken onlaın-brıfıngte aıtyp berdi.

Koronavırýs pandemııasy búkil álemde tarap jatyr. Barlyq elderde jańa shtamdar paıda bolýda. Qaıta egý aǵzany qorǵaý úshin antıdenelerdiń jetkilikti deńgeıiniń qalyptasýyna múmkindik beredi.

Qazaqstanda revaktsınatsııa erikti negizde ótedi. Barlyq egýler tegin.

«Kross-vaktsınatsııa – bul adamǵa buryn almaǵan preparatty egýdi bildiredi. Eger adam aldymen «Spýtnık V» vektorlyq vaktsınasyn alsa, onda belsendi emes – QazVac, Pfizer, Hayat-Vax jáne t.b. qaıta vaktsınatsııadan ótýi qajet», - dep túsindirdi Rozalııa Begaıdarova.

Qaıta ımmýndaý merzimi eki dozany alǵannan keıin alty aıdan toǵyz aıǵa deıin sozylady. Onyń uzaqtyǵy birinshi ret alynǵan vaktsınaǵa baılanysty. «Spýtnık V»-den keıin toǵyz aı kútý kerek. Basqa jaǵdaılarda – alty aı.

Revaktsınatsııa eń aldymen koronavırýs juqtyrý qaýpi joǵary adamdarǵa usynylady. Ol dárigerler, pedagogtar, quqyq qorǵaý qurylymdarynyń qyzmetkerleri jáne qyzmet kórsetý salasynda jumys isteıtinder. Revaktsınatsııa ásirese 60 jastan asqan adamdarǵa kórsetilgen. Qarsy kórsetkish – bul alǵashqy vaktsınatsııadan keıin paıda bolǵan kúshti allergııalyq reaktsııa.