Qaraǵandylyq dárigerler balkonnan qulaǵan azamattyń jaǵdaıy týraly aıtty

QARAǴANDY. QazAqparat - Qaraǵandyda jarylys bolǵan úıdiń 8-qabatyndaǵy balkonnan qulaǵan turǵynnyń jaǵdaıy - ortasha aýyr. Dárigerler naýqastyń jambas súıekteri synyǵanyn málim etti, dep habarlaıdy QazAqparat tilshisi.

«Naýqastyń jaǵdaıy ortasha aýyrlyqqa jaqyn. Esin biledi. Jan saqtaý bóliminde. Dárigerler barlyq qajetti medıtsınalyq kómek kórsetip jatyr. Naýqasta keýde qýysynyń jabyq jaraqaty, jilinshik súıekteriniń jabyq synýy bar», - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.

Eske sala keteıik, 10 qańtar kúni saǵat 21:29-da Qaraǵandy qalasynda Respýblıka dańǵyly, 18/2 boıynda órt shyqqany týraly habarlama kelip tústi. 16 qabatty, bir kireberisti, 127 páterli turǵyn úıdiń 8-qabatyndaǵy páterde jalpy alańy 30 sharshy metr aýmaqta órt shyqty.

1979 jyly týǵan er adam janyp jatqan páterdiń balkonynan qulap, medıtsınalyq mekemege jatqyzyldy.

Tekserý barysynda úsh adamnyń denesi tabyldy (boljam boıynsha eki er adam men áıel).

Sondaı-aq, Qaraǵandy oblysynyń TJD basshylyǵy gaz jarylysy rastalmaǵanyn habarlady. Oqıǵa ornynda gaz qurylǵylary tabylmaǵan.

Foto: TJD baspasóz qyzmeti