Qaraǵandylyq boıjetken parabıden Álem Kýbogynda qola medal jeńip aldy
Halyqaralyq paralımpıada komıtetiniń uıymdastyrýymen Parabıden álem kýbogy Koshıtse qalasynda (Slovakııa) ótti. Qazaqstan quramasy elimizdiń úzdik sportshylarynan quralyp, rekordty marapatqa ıe boldy. Olardyń birin Qaraǵandy oblysy múgedekter sporty mektebiniń sportshysy Aıgúl Balmaǵambetova jeńip aldy.
Arbamen bıleý baıqaýyna álemniń 15 elinen 100 parasportshy qatysty. Jarys klassıkalyq, eýropalyq jáne latynamerıkalyq bı túrlerinde, sondaı-aq Freestyle jáne Single túrleri boıynsha ótti.
Qazaqstan zamanaýı jáne sporttyq bı federatsııasynyń prezıdenti, Qazaqstan juptyq bı federatsııasynyń bas bapkeri Álııa Túsipbekova Koshıtse áýejaıynda joljúkti joǵaltý saldarynan týyndaǵan qıyndyqtar týraly aıtyp berdi. Qazaqstandyq bıshiler óz arbalarynsyz qalǵandyqtan, basqa arbaǵa otyryp, óner kórsetýge májbúr boldy. Alaıda, bul jaqsy nátıje kórsetýge kedergi bolmady.
Qazaqstan quramasy eki altyn, segiz kúmis jáne bes qola medal jeńip aldy. Qaraǵandylyq Aıgúl Balmaǵambetova halyqaralyq marapattar toptamasyn qolamen tolyqtyrdy.