Qaraǵandylyq boıjetken «Kók kıt» oıyny kesirinen ózine qol salǵan
QARAǴANDY. QazAqparat - Qaraǵandylyq 19 jastaǵy boıjetken óz-ózine qol salǵan, oǵan «Kók kıt» sýıtsıdtik toby yqpal etken degen boljam bar, - dep habarlady «QazAqparat» HAA tilshisi.
Boıjetkenniń týysy Galına Sıbırıakovanyń aıtýynsha ol vanna bólmesinde 6 aqpanǵa qaraǵan túni asylyp qalǵan.
«Qaryndasym «Kók kıt» qaýipti oıyny saldarynan ómirmen qosh aıtysty dep kúdiktenemin. Bul jantúrshigerlik oıyndy «Tynysh úı» dep ataǵanyna ne dersiń. Moderator jasóspirim oryndaýy tıis tapsyrma beredi, mysaly, lezvııamen qolynda kıt sýretin salý. Sońǵy tapsyrma - ólimge alyp keledi», - dedi onyń aǵasy Marat.
Qaıǵyly oqıǵa barlyǵy uıyqtap jatqan kezde, túnde bolǵan. Ata-analary qyzynyń oıanyp, vannada shomylyp jatqanyn estigen. Al tańǵy saǵat altyda onyń ólip jatqanyn kórgen.
«Onyń telefonyn ashqan kezde «Kók kıt» jáne «Tynysh úı», 4:20, men oıyndamyn degen sózderdi taptyq», - dedi Marat.
Qyzdyń týysqanynyń aıtýynsha, ispen polıtsııa aınalysýda.
«Moderatordy taýyp, jazasyn beredi dep úmittenemin», - dedi er adam.
