Qaraǵandylyq boksshy Abylaıhan Júsipov halyqaralyq týrnırde altyn ıelendi

QARAǴANDY. QazAqparat - Qaraǵandylyq boksshy Abylaıhan Júsipov halyqaralyq týrnırde altyn medal jeńip aldy. Atyraý qalasynda Halyq batyrlary Isataı Taımanov pen Mahambet Ótemisovti eske alýǵa arnalǵan jarys ótti, dep habarlaıdy QazAqparat tilshisi.

Týrnırge Reseı, Ózbekstan, Qyrǵyzstan, Tájikstan, Ázerbaıjan, Túrikmenstan jáne Qazaqstannan 100-ge jýyq sportshy qatysty.

Qaraǵandalyq Abylaıhan Júsipov 69 keli salmaq dárejesinde óner kórsetti.

Aıta ketý kerek, qazir boksshy 2020 jylǵy Olımpıada oıyndaryna qatysý quqyǵy úshin kúresýde. Buǵan deıin ol Sofııada ótken bedeldi týrnırde kúmis medalǵa ıe bolǵan edi.

Atyraýda ótken báseke - Azııadaǵy eń iri týrnır. Ol AIBA kúntizbesine (halyqaralyq áýesqoı boks qaýymdastyǵy), "A" sanatyna kiredi.