Qaraǵandylyq bıatlonshy qysqy Olımpıadaǵa qatysýǵa lıtsenzııa aldy
QARAǴANDY. QazAqparat – Qaraǵandylyq bıatlonshy Vladıslav Kıreev Beıjińdegi qysqy Olımpıadaǵa qatysý quqyǵyna ıe boldy. Ol Qysqy sport túrleri boıynsha oblystyq olımpıadalyq rezerv mektebiniń tárbıelenýshisi, QR sport sheberi jáne jastar arasynda Qazaqstan men Azııa chempıony, dep habarlaıdy QazAqparat tilshisi.
«Qańtar aıyndaǵy sońǵy, óte mańyzdy reıtıngtik halyqaralyq jarystarda, Slovakııadaǵy Brezno-Osrbldegi IBU Kýbogynda Vladıslav tamasha nátıje
kórsetti. Al jarystyń birinde kútpegen jaǵdaı boldy. Nátıjesinde Vladıslav olımpıadaǵa qatysý úshin qajetti upaı sanyn jınady. Árıne, biz talantty jáne
bolashaǵy zor tárbıelenýshimiz úshin óte qýanyshtymyz», – deıdi Qaraǵandy oblysynyń bıatlonnan aǵa jattyqtyrýshysy jáne sportshynyń jeke tálimgeri
Raıs Haırýtdınov.
Vladıslav Kıreev 21 jasta. 2020 jyly Shveıtsarııada ótken jasóspirimder arasyndaǵy álem chempıonatynda jeke jarysta besinshi boldy. 2021 jyly bıatlonnan Chehııada ótken jazǵy álem chempıonatynda jetinshi oryn, Qyrǵyzstanda ótken Azııa birinshiliginde altyn jáne qola ıelendi, al
Almatyda ótken QR Spartakıadasynda úsh jarysta da jeńiske jetti.
Esterińizge sala keteıik, buǵan deıin qaraǵandylyq Ekaterına Aıdova 2022 jylǵy 4-20 aqpan aralyǵynda ótetin XXIV qysqy Olımpıada oıyndaryna qatysýǵa 500, 1
000, 1 500 metr qashyqtyqta konkımen júgirý sportynan úsh lıtsenzııa jeńip alǵan bolatyn.
