Qaraǵandylyq balalardan ishek ınfektsııasy tabylmady, neden ýlanǵany áli belgisiz

ASTANA. QazAqparat – Qaraǵandyda balalardyń jappaı ýlanýynyń sebebin anyqtaý úshin analız alynyp, aldyn ala nátıjesi belgili boldy, dep habarlaıdy QazAqparat tilshisi.

«Dárigerler balalardyń jaǵdaıyn tekserý barysynda taǵy 2 bala ishi aýyrǵanyn aıtty. Olar aýrýhanaǵa jetkizildi, mamandardyń baqylaýynda. Balalar ýlanýynyń aýyrlyǵy ıntoksıkatsııa jáne tynys alýdyń jetkiliksizdigimen baılanysty. Osy oraıda zardap shekken keıbir balalardyń jaǵdaıy óte aýyr bolyp tur. Dárigerler aýrý saldarymen kúresip jatyr», - dedi Densaýlyq saqtaý mınıstri Ajar Ǵınııat Qaraǵandy óńirlik kommýnıkatsııalar qyzmeti alańynda ótken baspasóz máslıhatynda.

Mınıstrdiń málimdeýinshe, qazir búkil qajet taldaýlar alynyp jatyr.

«Aldyn ala boljam boıynsha, taǵam toksıkoınfektsııasy dıagnozy kúmán týdyrady. Osyǵan deıingi baqylaý barysy kórsetkendeı ishek ınfektsııasyna uqsamaıdy. Ol boıynsha aldyn ala analız nátıjesi teris. Qazir analızder naqtylanyp jatyr», - deıdi vedomstvo basshysy.

Buǵan deıin habarlaǵanymyzdaı, Qaraǵandyda balalar ýlanǵan ortalyqtyń basshysy men 12 qyzmetker jumystan shettetildi.