Qaraǵandylyq balalar salǵan sýretter Delıdegi kórmede kórsetildi

DELI. QazAqparat - Delıde Qazaqstannyń ıÝNESKO ulttyq klýbtar federatsııasy (KazFUCA) men Úndistannyń ıÝNESKO klýbtary men qaýymdastyqtary konfederatsııasynyń (CUCAI) arasyndaǵy mádenı baılanys aıasynda «Qazaqstan balalardyń kózimen» atty sýretter kórmesi uıymdastyryldy, dep habarlaıdy «QazAqparat» HAA-nyń menshikti tilshisi.

Baǵdarlamanyń maqsaty Úndistan turǵyndary men qonaqtaryn qazaq halqynyń mádenıetimen, salt-dástúrlerimen tanystyrý.

Kórmege qatysý úshin Qaraǵandy qalasyndaǵy ıÝNESKO klýby - №2 Óner mektebiniń daryndy oqýshylary, «Balaqaı» jáne «Báıterek» balabaqshalarynyń tárbıelenýshileriniń tańdaýly 30 jumysy iriktep alyndy.

Kórmege qarapaıym qonaqtar ǵana emes, óner salasyndaǵy sarapshylar da asa qyzyǵýshylyq tanytty.

Baǵdarlama aıasynda jas ónerpazdar ustazdarymen birge ıÝNESKO klýby mártebesine ıe jergilikti mektepterge baryp, kontsertter qoıdy, sheberlik sabaqtaryn ótkizdi. Odan ary yntymaqtastyq ornatý úshin mektepter arasynda aldaǵy ýaqytta birlesken ǵylymı-zertteý jáne mádenı sharalardy ótkizýdi kózdeıtin ózara túsinistik týraly memorandýmdarǵa qol qoıyldy.

Osy sapardy Qazaqstannyń ıÝNESKO ulttyq klýbtar federatsııasynyń Qaraǵandy oblysy boıynsha óńirlik ókildigi Úndistannyń ıÝNESKO klýbtary men qaýymdastyqtary konfederatsııasy jáne Qazaqstannyń Úndistandaǵy Elshiliginiń qoldaýymen uıymdastyrdy.


Avtory: Sadyq Akıjanov