Qaraǵandylyq azamattyń páterinen bir kıláden astam geroın tabyldy
ASTANA. Aqpannyń 24-i. QazAqparat /Rýslan Ǵabbasov/ - Apta ishinde 1995 qylmys jasalyp, onyń ishinde «izi sýymaı» 1591 qylmys, sondaı-aq buryn jasalǵan 553 qylmystyń beti ashyldy.
Bul týraly búgin Astanada ótken brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
«Sonymen qatar 120 kúdikti qylmysker qylmys jasaǵany úshin izdestirilip, 6 atys qarýy tárkilendi. 178 esirtki qylmysy, onyń ishinde esirtki satýdyń 59 faktisi anyqtaldy. 22 kılá esirtki, onyń ishinde 2 kılá geroın tárkilendi»,-dedi ol.
Almatylyq polıtsııa qyzmetkerleri 43 jastaǵy jeke kásipker qala turǵynyn ustap, onyń páterinen 682 gramm geroın tárkiledi. Aqpannyń 21-inde «Delta-Dolına» óńiraralyq arnaıy bólimshesi men Jambyl oblysynyń Uıymdasqan qylmysqa qarsy kúres basqarmasy «Maılyqara» ýchaskesinde keptirilgen marıhýanany satý kezinde 41 jastaǵy jergilikti turǵyndy ustap, odan 89 kılá osy esirtki zatyn tárkiledi. Al basqa jerde 36 jastaǵy jambyldyqtan 129 kılá marıhýana tárkilendi.
«Qaraǵandy ІІD Esirtki bıznesine qarsy kúres basqarmasynyń qyzmetkerleri budan buryn esirtki saqtaǵany úshin sottalǵan 36 jastaǵy jergilikti turǵyndy ustady. Onyń páterin tekserý barysynda 10 oramǵa bólinip oralǵan 1 kıláden astam geroın tabyldy», dedi Q. Jumanov.
