Qaraǵandylyq áıeldiń sırııalyq kúıeýi men balasyna Qazaqstanda qalýyna ruqsat berilmedi
QARAǴANDY. QazAqparat - Sırııa turǵyny ıAser Alezaldın bes balasymen birge elden deportatsııalanýy múmkin.
Ol Qaraǵandy oblysyndaǵy barlyq sot ınstantsııasyn bosqyn ekendigine sendire almaǵan, dep habarlaıdy «QazAqparat» HAA tilshisi.
Onyń jubaıy Qazaqstan azamatshasy bolǵandyqtan, oǵan deportatsııa qarastyrylmaıdy. Sondaı-aq onyń kámeletke tolmaǵan tórt balasyna elden shyǵarý sharalary qoldanylmaıdy. Olardyń eń kishisi 5 jasta. Alaıda, otaǵasy ıAser Alezaldın men onyń 18 jastaǵy úlken ulyna zańnamada eshqandaı jeńildik qarastyrylmaǵan.
«Ulym men joldasyma bosqyn mártebesin bermeı jatyr. Oǵan sebep - Sırııada bizge qýdalaý baryn jáne ómirimizge qaýip tónip turǵandyǵyn qujat júzinde dáleldeı almadyq. Ol elde soǵys júrip jatyr. Bizdiń úıimiz bombalaný saldarynan qıratyldy», - dedi Sırııa azamatynyń jubaıy Sandýǵash Raısova.
Buǵan deıin Qaraǵandy oblystyq soty Sırııa turǵyny ıAser Alezaldınniń kóshi-qon polıtsııasy basqarmasyna elden shyǵarmaý týraly jáne bosqyn mártebesin berý jaıly ótinishin qanaǵattandyrmady.
«Birinshi ınstantsııa soty Sırııa azamatyna óz elinde qaýip tónip turmaǵanyna baılanysty ony otanyna qaıtarý týraly sheshim qabyldady. «Bosqyndar mártebesi týraly» zańǵa sáıkes, sot ony bosqyn dep tanı almaıdy. Sebebi, onyń óz elinde qýdalaýǵa ushyraǵandyǵy týraly fakti anyqtalmady», - dep málimdedi Oblystyq sottyń azamattyq ister jónindegi alqa soty Maıra Ibragımova.
«Bosqyndar mártebesi týraly» zańǵa sáıkes, talapker otanyndaǵy áskerı áreketterden basqa saıası, dinı, áleýmettik nemese basqa da sebepter boıynsha qýdalanǵanyn dáleldeýi kerek.
Qazirgi tańda bul otbasy qaraǵandylyq áıeldiń týystarynyń úıinde turyp jatyr. Olar sottyń deportatsııa týraly sheshimi kez kelgen ýaqytta oryndalýy múmkindigin aıtýda.
Qazaqstandyq Sandýǵash Raıysova sırııalyq ıAser Alezaldınmen Soltústik Qazaqstan oblysynda tanysyp, 1997 jyly oǵan turmysqa shyqqan. Otbasy Sırııaǵa kóship baryp, úı salady, sharýashylyqpen aınalysa bastaıdy. 2015 jyly sodyrlardyń shabýyly saldarynan úıleri jermen jeksen bolǵan. Baspanasyz qalǵan januıany áıeldiń týǵan ápkesi Qazaqstanǵa shaqyrady. Erli-zaıypty bes balasymen Qazaqstanǵa resmı túrde qonaq retinde kelgen, alaıda olardyń elde qalýyna sot ruqsat bermeı otyr.
