Qaraǵandylyq áıel polıtseıler oq atýda áriptes erlerden kem túspeıdi
QARAǴANDY. 13 tamyz. QazAqparat - Qaraǵandyda «Dınamo» dene shynyqtyrý jáne sport qoǵamy oblystyq fılıalynyń bazasynda oq atýdan Qaraǵandy oblysy ІІD birinshiligi ótti, dep habarlady vedomstvonyń baspasóz qyzmetinen.
«Polıtseıler arasynda mundaı jarystar jyl saıyn ótkiziledi. Bıyl oǵan aýmaqtyq ishki ister bólimderi, oblysty ІІD qyzmetteri men bólimshelerinen 29 komanda qatysty. Polıtseıler Makarov pıstoleti men Kalashnıkov avtomatynan atý sheberligi boıynsha synǵa tústi»,- dep jazylǵan habarlamada.
Árbir komandanyń quramynda eki er jáne bir áıel adamnan bar. «Áıel polıtseıler nysanaǵa dáldep atý men qarýdy jınap-bólshektep tastaýda er adamdarǵa jol bermeıdi», -dep atap ótti Qaraǵandy oblysy ІІD basshysynyń orynbasary polıtsııa polkovnıgi Ardaq yntyqbaev.
Jekeleı synda birinshi oryndy Qaraǵandy qalasy ІІB jedel basqarý ortalyǵy kezekshi bóliminiń aǵa ınspektory ıÝlııa Shvedkova aldy. Makarov pıstoletinen jyldam atýda Novo-Maıqudyq polıtsııa bóliminiń tergeýshisi Laýra Abyjanova kósh bastady, al jyljymaıtyn nysanaǵa atýda ol ekinshi oryndy ıelendi. Jeńiske jetkenderdiń arasynda túrli qalalardan kelgen áıel polıtseıler de bar.
Jarystyń qorytyndysy boıynsha, komandalyq esepte birinshi oryn Qaraǵandy oblysy ІІD-niń quramasyna buıyrdy, ekinshi oryndy Qaraǵandy ІІB enshiledi, al Temirtaý qalasynyń ІІB-niń qyzmetkerleri qola júlde ıegereleri atandy.
