Qaraǵandylyq aýyr atletter Azııa chempıonatynyń júldegerleri atandy

QARAǴANDY. QazAqparat – Qaraǵandylyq sportshylar eresekter arasyndaǵy jekelegen jattyǵýlarda aýyr atletıkadan Azııa chempıonatynyń júldegerleri atandy. Artem Antropov kúmis, Aısha Omarova qola júlde jeńip aldy, dep habarlaıdy QazAqparat tilshisi.

Azııa chempıonaty Chındjýda (Ońtústik Koreıa) ótti. Qurlyqtyq birinshilikke 31 eldiń eń myqty sportshylary qatysty.

Qaraǵandy oblysynan ulttyq qurama quramynda úsh aýyr atlet – Artem Antropov, Aısha Omarova jáne Lıýbov Kovalchýk óner kórsetti. Barlyq sportshylar – halyqaralyq dárejedegi sport sheberleri, oblystyq keshendi BJMSM tárbıelenýshileri. Olar QR eńbek sińirgen jattyqtyrýshysy Ivan Snegýrovtyń basshylyǵymen jattyǵady.

Artem Antropov 109 kg salmaq dárejesinde 227 kg nátıjesimen serpiliste ekinshi oryndy ıelendi. Qossaıys somasynda (serpiliste 172 + 227 = 399 kg) Azııa chempıonatynyń kúmis júldegeri atandy.

Aısha Omarova 87 kg salmaq dárejesinde 127 kg nátıjesimen úshinshi orynǵa, al jalpy esepte (227 kg) tórtinshi orynǵa ıe boldy. Lıýbov Kovalchýk – tórtinshi orynda.

Aýyr atletıkadan Azııa chempıonaty Parıjdegi 2024 jylǵy Olımpıada oıyndary qarsańynda irikteý týrnıri bolyp esepteledi.