Qaraǵandylyq aýlasynan qoqıqazdyń balapanyn taýyp aldy
QARAǴANDY. QazAqparat - Aýlasyna shyqqan Qaraǵandy turǵyny Qyzyl kitapqa engizilgen qoqıqazdyń balapanyn taýyp aldy, dep habarlaıdy «QazAqparat» HAA tilshisi.
Úıdiń ıesi Sergeı Kaýbre baqshasynda dirildep turǵan balapandy kórip, qolma-qol orman sharýashylyǵy jáne janýarlar álemi ınspektsııasyna habar bergen. «Er adam qońyraý shalyp, qoqıqaz taýyp alǵanyn aıtqanda, biz ony qatelesip shyǵar oıladyq. Balapan basqa qustyń, máselen, tyrnanyń balapany bolýy múmkin edi», - deıdi Aýyl sharýashylyǵy mınıstrliginiń Qaraǵandy oblysy boıynsha orman sharýashylyǵy jáne janýarlar álemi aýmaqtyq ınspektsııasy basshysynyń orynbasary Abaı Áljanov.
Barǵan soń shynymen qoqıqaz ekenine kóz jetkizgen ınspektsııa mamandary balapandy aldymen keńsege, sonan soń Aqmola oblysyndaǵy Qorǵaljyn memlekettik qoryǵyna bergen.
Qoqıqazdar aşy-tuzdy sý basseınderinde ómir súredi, óıtkeni ol jerde bul qustardyń negizgi qoregi artemııa salına qurttary bolady. Qoqıqaz balapanynyń Qaraǵandy qalasyna qalaı kelip qalǵany ázirge belgisiz. «Er adamǵa balapanǵa báıek bolyp, bizge jyldam habarlasqany úshin alǵys aıtamyz. Ol biz barǵansha ony azyqtandyryp, jyly jerde ustaǵan. Balapan endi úıin tapty. Qazir ol Qorǵaljyn memlekettik qoryǵyna jiberildi», - deıdi Abaı Áljanov.
