Qaraǵandylyq áskerıler sýǵa batyp bara jatqan eki adamdy qutqardy

QARAǴANDY. QazAqparat - Qaraǵandy qalasyndaǵy 52859 áskerı bóliminiń áskerı qyzmetshileri sýǵa batyp bara jatqan eki adamdy qutqardy, dep habarlaıdy QazAqparat.

«Bólimshe komandıri kishi serjant Temirlan Qaıratuly Malmakov pen efreıtor Dmıtrıı Andreevıch Kanıskın Qaraǵandy qalasynyń demalatyn sý ornynda júrgende, jartastan sekirip, aıaǵynan ashyq synyq alyp, sýǵa bata bastaǵan shamamen 30 jastaǵy er adamdy qutqardy. Sol sátte sýǵa batyp bara jatqan áıeldiń kómek suraǵan daýysyn estip, oǵan da kómek kórsetti», - dep jazdy TJM-nan.

Aıta keteıik, buǵan deıin Qaraǵandyda eki jasar balanyń murnynan dárigerler 10 tiri qurt alyp shyqqanyn jazǵan bolatynbyz.