Qaraǵandylyq ardagerler Jeńis kúnine oraı 300 myń teńgeden aldy

QARAǴANDY. QazAqparat - Qaraǵandyda Uly Otan soǵysy ardagerlerine 9 mamyr merekesine oraı 300 myń teńgeden berildi, dep habarlaıdy QazAqparat tilshisi.

Soǵys ardagerlerine teńestirilgen sanattaǵy tulǵalarǵa birjolǵy kómek kólemi - 20-100 myń teńge aralyǵynda.

Uly Jeńistiń 74 jyldyǵyna oraı, qalalyq bıýdjetten 127 mln teńge bólindi. Oblys ortalyǵynda Uly Otan soǵysynyń 43 ardageri men múgedegi turady. Onyń ishinde 31 ardager - Qazybek bı aýdanynda, 12 adam - Oktıabr aýdanynda turady. Olarǵa teńestirilgen adamdar sany - 5 216.

Óz erkimen jaldanǵandar, kontslager tutqyndary jáne qorshaýdaǵy Lenıngrad turǵyndaryna 100 myń teńgeden, qalǵan sanattarǵa - 20 myń teńgeden tólenedi.

Sonymen qatar, Chernobyl AES apatynyń saldaryn joıýǵa qatysýshylar 100 myń teńgeden aldy.

Qalalyq jáne aýdandyq ákimdikter soǵys ardagerleri men tyl eńbekkerlerine saltanatty qabyldaý sharalaryn ótkizedi. Buǵan qosa ardagerlerdiń úılerine baryp, quttyqtaıdy. Sondaı-aq, qaıyrymdylyq aktsııalary uıymdastyrylady dep josparlanyp otyr.