Qaraǵandylyq alaıaq turǵyndardy aldap, 12 mln teńge jymqyrǵan
QARAǴANDY. QazAqparat - Qaraǵandyda alaıaq 12 adamdy aldap, jalpy somasy 12 mln teńgeden astam aqshany jymqyrǵan, dep habarlaıdy QazAqparat tilshisi.
16 shildede Qaraǵandy qalasynyń ortalyq polıtsııa bólimine 30 jastaǵy qala turǵynynan shaǵym kelip túsken. Japa shegýshi 45-oram aıaldamasynda belgisiz bireý páter satamyn dep aldap, 2 mln teńgesin jymqyrǵanyn aıtqan. Júrgizilgen jedel izdestirý is-sharalarynyń arqasynda kúdikti ustaldy. Tergeý barysynda atalmysh alaıaqtyń taǵy da 11 qylmysqa qatysy bary anyqtalǵan.
Atalǵan derekterge saı QR QK 190-baby boıynsha sotqa deıingi tergeý júrip jatyr. Ustalǵan azamat ýaqytsha ustaý ızolıatoryna qamaldy.
